Uganda:Umwana w’imyaka 3 yaguye mu iperereza ry’uwishe umuvugizi wa Polisi

0
2890

Mu gihugu cya Uganda haravugwa urupfu rw’umwana w’imyaka itatu wishwe arashwe, ubwo polisi yariri gukora iperereza ku bantu bihishe inyuma y’urupfu rw’umuvugizi w’igipolisi cya Uganda n’abamurindaga barashwe ku wa gatanu.

Umuvugizi wa polisi ubwo yaraswaga
Umuvugizi wa polisi ubwo yaraswaga

Viola Nakuwuka w’imyaka itatu yarashwe ari mu mugongo w’umubyeyi we Diana Nabakooza, umuturage utuye mu cyaro cya Guluma, mu gace ka Butayunja mu karere ka Mityana ubwo yari hafi yo mu rugo, abapolisi batatu ubwo barasaga umwana we yaje kubigenderamo.

Avugana na Daily Monitor kuri uyu wa mbere, umukuru wa polisi w’aka karere Mityana Fred Kigima yemeje urupfu rw’uyu mwana Nakawula, avuga ko uretse uyu mwana wapfuye hari n’undi muturage witwa Ivan Kito wahakomerekeye ubu bakaba bajyanwe ku bitaro bya Mityana gukorerwa isuzuma.

Uyu mukuru wa polisi akomeza avuga ko hari itsinda ry’abapolisi riri gukora iperereza k’uwaba yihishe inyuma y’ikishe umuvugisi wa polisi ya Uganda.

Yagize ati”Twatangiye iperereza kugeza ubu ndetse hari n’abo twamaze gufata nubwo tutavuga amazina yabo”.

Bamwe mu baturage batifuje ko amazina yabo ajya ahagaraga bavuze ko umuvuzi gakondo(umupfumu) witwa Kalumba wo muri ako gace, ngo niwe wasabye abapolisi kugota ako gace karimo abaturage bashobora kuba barishe umuvugizi wa polisi wa Uganda.

Umuyobozi wa Mityana Joseph Luzige yihanganishije abaturage, mu gihe polisi ikiri gukora iperereza.

Leave a Reply