Umubiri wa Kim Jong-nam wagejejwe muri Koreya y’Amajyaruguru

0
593

Umubiri wa Kim Jong-nam mukuru wa Perezida wa Koreya w’Amajyaruguru uherutse gupfira ku kibuga k’indege muri Malaysia wagejejwe muri Koreya y’Amajyaruguru nyuma y’igihe kirekire leta isaba ko wazanwa.

Kim Jong-nam avugwa kuba ahuje Se umubyara na perezida wa Koreya y’Amajyaruguru, leta ikaba yari yarasabye ko yazanwa mu gihugu cye inshuro nyinshi.

Umubiri wa Kim ugejejwe muri Koreya y’Amajyaruguru nyuma y’amasezerano yemerera   abaturage icyenda bakomoka muri Malaysia gutaha mu gihugu cyabo ashyizwe mu bikorwa.

Ibi bihugu byombi bikaba byari bimaze igihe biri mu ntambara itoroshye yaje ikurikira ubwicanyi bwa Kim bwakorewe ku cy’ibuga cy’indege cya Kuala Lumpur mu kwezi gushize aho buri gihugu cyafatiriye abaturage b’ikindi gihugu.

North Korean and Chinese officials gather at the VIP entrance at Beijing airport after the arrival of flight MH360 from Malaysia early on 31 March 2017.
Abayobozi ba Koreya ya Ruguru ndetse n’abu Bushinwa bagaragaye ku kibuga k’indege ubwo indege yari itwaye umurambo yahagurukaga

BBC dukesha iyi nkuru itangaza ko ubu abaturage batatu bari  barafashwe n’igihugu cya Malaysia bakaba barekuwe nk’uko umukuru wa polisi muri Malaysia yabisabye.

Bivugwa ko Kim yahitanywe n’uburozi yahawe igihe yari ku kibuga cy’indege cya Kuala Lumpur.

Yanditswe na Nsanzimana Germain

Leave a Reply