Umugore wa OBASANJO yasabye urukiko gusubika ubukwe bw’umuhungu we

0
487

Taiwo Obasanjo umwe mu bagore b’uwahoze ari perezida wa Nijeriya Olusegun  Obasanjo, yasabye urukiko ko basubika ubukwe bw’umuhungu we Olujonwo Obasanjo ,nyuma yuko ngo ahanuriwe Ko atagomba gukora ubukwe mbere y’isabukuru y’amavuko ye kuko byamuzanira ibyago.

obasanjo
obasanjo

All Africa yatangaje ko Madamu Obasanjo yifuza ko ubukwe bwashyirwa muri Kamena  kuya 1, aho kuba muri Gicurasi 11.

Mu gusaba uko gusubikwa k’ubukwe, akaba yarabwiye urukiko ko nk’umubyeyi na we afite uburenganzira ku myanzuro yafatwa ku bijyanye n’ibyo birori by’umuhungu we.

Yakomeje avuga ko itariki y’ubukwe yemejwe we adahari bamuheje ,nta gitekerezo yatanze ku bukwe bwe .Akaba avuga ko azakomeza gukurikirana Olusegun Obasanjo kugeza aho bahinduriye itariki y’ubukwe bw’umuhungu we  bakayishyira mu ibyumweru bibiri nyuma y’isabukuru ye .

Yabwiye urukiko ko yasabye umuryango w’umukazana we ariwo Madamu Rosemary Dacos nyina  wa Tope Adebutu umukazana we na Adebetu se wa Tope Adebetu ko basubika ubukwe ariko bamwima amatwi .

Uyu mudamu akaba yarashyikirije urukiko ikirego aregamo Olusegun Obasanjo ndetse na Adebetu .

Uru rubanza rwe rukaba ruzasomwa n’umucamanza Lateefa Okunnu muri Mata 10

Ntakirutimana Domina

Leave a Reply