Umunsi w’abagore ntuvugwaho rumwe ahatandukanye ku isi

0
80

Harabura umunsi gusa ngo umunsi w’abagore ube, ibihumbi by’abagore muri London bagiye mu myigaragambyo basaba uburinganire n’ihagarikwa ry’ihohoterwa ry’abagore.

Abagore bakomeje imyigaragambyo
Abagore bakomeje imyigaragambyo

Nubwo uyu munsi ari uwo kuzirikana agaciro k’umugore ndetse n’uburenganzira bwe, mu bihugu bimwe na bimwe ku isi abagore baracyabuzwa uburenganzira bwabo, ndetse batsikamirwa n’abagabo babo.

Ni muri urwo rwego ahantu hatundukanye ku isi nko muri London,Turukiya imyigaragambyo irakomeje abagore bamagana ihohoterwa bakorerwa mu ngo ndetse n’agasumbane .

Global News itangaza ko Muri Poland abagore n’abagabo berekeje mu murwa Warsaw basaba uburenganzira bwabo ku by’imyororokere.

Iki gihugu cyemerera umuntu gukuramo inda iyo yafashwe ku ngufu cyangwa iyo kuyigumana byakwangiza ubuzima bwe, kiliziya gatolika yo muri iki gihugu yo ikaba ishaka kubikuraho burundu kuri buri wese.Abigaragambya bakaba baravugagako abanyamategeko ndetse n’ubutabera byemeje gukaza iri tegeko.

Umwe yagize ati’’guverinoma y’igihugu cyacu, ishyiraho amategeko atandukanye abangamira uburenganzira bwacu ku kubyara, kugira uburenganzira ku kugenzura ubuzima bwacu kiliziya itabigizemo uruhare‘’

Muri Gaza nta kiruhuko kizabaho kuri uyu munsi ku banyeshuri, nubwo ubuyobozi bwa Palestine bwemeje uyu munsi nk’uwikiruhuko, Leta ya Kisilamu ya Hamas yayoboye Gaza imyaka myinshi ishize, yahakanye ibyiki kiruhuko.

Aka gace ka Gaza kakaba na ko kakigaragaramo ihohoterwa ku bagore b’abacamanza aho babategeka uburyo bwo kwambara, ndetse bategeka n’abanyeshuri gupfuka imitwe yabo.

Yanditswe na Ntakirutimana Domina

Leave a Reply