Umusore w’imyaka 18 yishe nyina amutemye ijosi

0
303

Muri Amerika umusore witwa Oliver Funes Machada  w’imyaka 18, yakoze ibara yica nyina amutemye ijosi kuri uyu wa mbere ,asohoka hanze y’inzu afite umutwe we mu ntoki nyuma yo guhamagara polisi ko yishe umuntu.

Oliver Funes Machada
Oliver Funes Machada

Umucamanza mukuru wo muri Franklin Mike Waters aho uyu musore yari atuye, yatangaje ko uyu musore ukekwaho icyaha cyo kwica nyina w’imyaka 35   yahise afungirwa muri gereza ya Franklin, hakaba hakiri kugenzurwa imikorere  y’ubwonko bwe ngo harebwe icyabiteye.

Umwunganizi w’uyu musore mu by’amategeko C Boyd Sturges III yagize ati ‘’Biragaragara ko hari ikibazo cyo mu mutwe afite, sindi umuganga sinabigaragaza neza ariko mu bisanzwe uyu musore afite ihungabana.’’

Bashiki b’uyu musore babiri bari mu rugo ntacyo yabatwaye, usibye ko bahungabanyijwe n’ibyabaye.

ubusanzwe uyu muryango w’uyu musore wari waravuye Honduras, wabaga mu murwa wa Franklin utabifitiye uburenganzira.

Ubu uyu Oliver yoherejwe muri gereza nkuru I Raleigh, akaba azaburanishwa  kuri 14 Mata 2017.

Yanditswe na Ntakirutimana Domina

Leave a Reply