UN: Isi ifite ikibazo cyo kubura abatabazi kuva1945

0
239

Uhagarariye ibikorwa by’ubwitange mu Muryango w’Abibumbye (UN humanitarian) Stephen O’Brien yatangaje ko imbaga y’abaturage barenga miliyoni 20 bahuye n’ikibazo gikomeye cy’inzara mu bihugu bya Yemen, Somalia, South Sudan hamwe na  Nigeria. Akaba ari nako ibihumbi by’abantu bakomeje kuva mu byabo.

Isi ifite ikibazo cyo kubura abatabazi kuva1945
Isi ifite ikibazo cyo kubura abatabazi kuva1945

Umuryango UNICEF  kuri ubu wamaze gutangaza ko muri uyu mwaka abana bagera kuri milliyoni  1.4 bagomba kwitaba Imana kubera ikibazo cy’inzara. Kuri uyu wa Gatanu ubwo yaganiraga n’akanama gashinzwe amahoro (Security Counsil) Bwana O’Brien yagize ati:”Turinegura dushingiye ku mateka, kuva ku ntangiriro z’umwaka turacyafite ikibazo gikomeye cyo kubura abakorerabushake bitabira ibikorwa by’ubutabazi kuva Umuryango w’Abibumbye washingwa.”

Uyu muyobozi yakomeje agira ati:”Uyu munsi miliyoni zirenga 20 z’abaturage  mu bihugu bigera kuri bine zirigupfa abandi bamerewe nabi kubera ikibazo cy’inzara. Niba hadashyizwe hamwe ubufatanye n’ingufu ku isi yose, abantu barakomeza gushira birenze kubera inzara. Imbaga z’abatuye isi zirakomeza guhungabanywa ndetse no kwicwa n’indwara z’ibyorezo.”

“Abana barata amashuri, imibereho, icyizere cy’ejo hazaza ntabyo bazabasha kugira. Abaturage barakomeza kwimuka bahunga ngo barebe ko babona imibereho. Ibi kandi Ari nako binakomeza guteza akaduruvayo mu turere.”

Igitekerezo cya Bwana O’Brien cyaje gisa kandi gikurikiye icy’umunyamabanga mukuru w’Umuryango w’Abibubye Antonio Guterres mu kwezi gushize.  Ubwo yatangazaga ko UN imaze kwakira gusa milioni  $90m (£74m) muri uyu mwaka wa  2017 hatarimo ibikorwa by’ubwitange.

Yemen

Nkuko BBC yabitangaje mu gihugu cya Yemen birakekwa ko nibura mu minota icumi gusa hapfa umwana ku bera indwara z’ibyorezo zishobora no kurwanywa. Mu gihe kimwe cya kabiri  cya Miliyoni y’abana bari munsi y’imyaka itanu bugarijwe n’ikibazo cy’imirire mibi..

Umuryango w’abibumye uragereranya ko nibura miliyoni 19 z’abaturage mu gihugu cya Yemen cyangwa se 2/3 by’abaturage baturiye igihugu cyose bacyeneye inkunga y’ubwitange, nyuma y’imyaka ibiri ishize bari mu ntambara yahuje abatavuga rumwe n’ubutegetsi (Houthi insurgents) hamwe na leta y’iki gihugu kubera imiyoborere mibi, kutumvikana, kutagira amategeko ndetse n’ikibazo cy’ubukene.

South Sudan

Ibigo by’umuryango w’abibumbye biratangaza ko ibihumbi 100 by’abaturage muri Soudan y’Amajyepfo bugarijwe n’ikibazo cy’amapfa. Mu gihe abandi babarirwa kuri miliyoni bivugwa ko na bo bagiye guhura n’inzara. Biravugwa ko hari ikibazo gikomeye cyo kubura ibyo kurya bihagije byo kuba byakwira igihugu cyose.

Umuryango UN uravuga ko nibura abaturage bangana na milioni 4.9 cyangwa se 40% by’abaturage baturiye Sudan y’amajyepfo yose bakeneye inkunga yihuse y’ibyo kurya ndetse n’ubufasha bwo kubona indyo yuzuye. Ibi kandi ngo bikaba bifitanye isano n’intambara z’urudaca zihora muri iki gihugu kuva mu mwaka wa 2013, kutagira amategeko yubahirizwa ndetse n’ikibazo cy’ubukene.

Kandi bikaba bivugwa ko ubutegetsi bwa prezida Salva Kiir’s  bwaba buhagarika inkunga y’ibyo kurya mu duce tumwe na tumwe muri iki gihugu, nkuko bamwe mu mpuguke z’Umuryango w’ Abibumbye zibitangaza.

Nigeria

Umuryango w’Abibumbye wagaragaje ko ikiza gikomeje kugaragara  mu majyaruguru y’uburasirazuba bw’igihugu cya  Nigeria, ari cyo kibazo kirenze ibindi kuri uyu mugabane w’Afrika ahanini bitewe n’umutwe w’indwanyi z’iterabwoba Boko Haram .

Byamaze gutahurwa ko uyu mutwe ushingiye ku idini rya Islam umaze kwica ibihumbi 15 by’abaturage arina ko umaze gusiga abarenga milioni ebyiri barataye ingo zabo bahunga. Gusa kuri ubu nubwo uyu mutwe wahunze biragaragarira buri wese ko hari ibindi bihumbi by’abaturage basigaye bugarijwe n’ikibazo cy’inzara ku buryo ubu bakeneye inkunga byihutirwa.

Umuryango UN wagarage ko muri iki gihugu mu kwezi ku Ukuboza  abana bagera ku bihumbi 75 bari barimo barapfa kubera inzara, mu gihe kandi milioni  zigera kuri  7.1 z’abaturage ba Nigeria kimwe n’abaturanyi b’ikiyaga cya Tchad, bihebye kubera kutabona ibyo kurya.

Somalia

Kuva mu bihe bishize ubwo inzara yatangazwaga mu gihugu cya Somalia, mu myaka itandatu ishize hafi abaturage ibihumbi 260 bamaze kwitaba Imana kubera icyi kiza. Mu ntangiriro z’uku kwezi kwa gatatu hatangajweko mu masaha 48 yonyine abantu 110 muri iki gihugu bitabye Imana mu gace kamwe muri iki Gihugu.

Ibi bikaba biteye ubwoba cyane ihuriro ry’abatabazi b’ibikorwa by’ubwitange(Humanitarian groups) ngo kuko iki kibazo gishobora gukomeza. Cyane ko nk’ikibazo cy’ibura ry’amazi cyatumye ibimera bitagira umubare byangirika bityo imbaga y’abaturage bagera kuri milioni 6.2 bakeneye ubutabazi bwihuse.

Yanditswe na Schadrack Mukeshimana

Leave a Reply