Uretse Uburusiya buzakira; ikipe ya mbere izitabira igikombe cy’Isi yamenyekanye

1
786

Mu rwego rwo gushaka itike y’amakipe y’ibihugu azitabira imikino y’igikombe cy’isi cyizabera mu gihugu cy’Uburusiya ikipe ya mbere yamaze kumenyekana izerekezayo ni igihugu cya Brazil.

Image result for world cup brazil paraguay

Ikipe y’igihugu ya Brazil yari yarakiriye imikino iheruka y’igikombe cy’isi yabaye mu mwaka ushize wa 2016 niyo yabimburiye izindi mu kubona itike izerekeza mu Burusiya.

Brazil ifite ibikombe bigera kuri bitanu by’igikombe cy’isi ikaba yabonye itike nyuma yo gutsinda igihugu cya Paraguay ibitego bigera kuri bitatu ku busa, ndetse ikomeza imaze imikino igera ku munani yose itaratsindwa.

Ibitego bya Brazil ku mukino na Paraguay bikaba byaratsinzwe na Philippe Coutinho wafunguye amazamu, rutahizamu w’ikipe ya Barcelona Neymar ashyiramo igitego cya kabiri mu gihe Marcelo usanzwe ukinira ikipe ya Real Madrid ashyiramo igitego cy’agashinguracumu gisoza.

Mu mikino ine isigaye ngo aya majonjora yo gushaka itike yo kwerekeza mu mikino y’igikombe cy’isi, muri Amerika y’amajyepfo ikipe ya Brazil niyo iza ku isonga aho ifite amanota agera kuri 33 igakurikirwa n’igihugu cya Colombia ifite amanota 24 mu gihe ikipe ya Argentina yageze ku mukino wa nyuma w’igikombe giheruka ikaba iri ku mwanya wa gatanu aho ifite amanota 22.

1 COMMENT

LEAVE A REPLY

Please enter your comment!
Please enter your name here