Urukiko Rukuru rwatesheje agaciro ubujurire bw’ubushinjacyaha ku ifungwa rya Imena Evode

0
675

Nkuko byari byitezwe ku gicamunsi cyo kuri uyu wa kane saa kumi zuzuye mu kadomo, ko hagomba gusomwa imyanzuro y’Urukiko Rukuru ku bujurire bwatanzwe n’ubushinjacyaha ku kirego cyo gufunga by’agateganyo Imena Evode wahoze ari Umunyamabanga wa Leta muri Minisiteri ishinzwe Amabuye y’Agaciro ku byaha akurukiranyweho by’impapuro mpimbano n’iby’itonesha mu gutanga amasoko ku bushakashatsi bw’amabuye y’agaciro.

Imena Evode
Imena Evode

uyu mwanzuro w’Urukiko Rukuru wemejwe nyuma yo gusoma ubujurire bw’ubushinjacyaha bwavugaga ko Imena Evode wahoze ari umunyamabanga wa Reta muri Minisiteri ishinzwe Amabuye y’Agaciro ndetse na bagenzi be bakoraga mu kigo cy’ubushakashatsi muri iyi Minisiteri aribo Kayumba Francis ndetse na Kagabo Jacque.

Urukiko Rukuru rwunze mu cyemezo cyafashwe n’urukiko rwisumbuye rwa Nyarugenge ubwo rwaburanishaga ku ifungwa n’ifungurwa by’agateganyo kuri Imena Evode na bagenzi  be  aho uru rukiko rwisumbuye rwa Nyarugenge rwari rwategetse ko Imena Evode afungurwa by’agateganyo akajya kurera umwana we w’ukwezi n’igice wari umaze avutse nkuko yisobanura yari yabigaragaje.

Urukiko Rukuru rwanzuye ko Imena Evode akomeza kuburana ari hanze ari Kagabo na Kayumba bakaguma mu buroko.

Ibi urukiko rubishingira ku kuba yaba ibyaha by’itonesha ndetse n’iby’impapuro mpimbano biregwa kuri Evode Imena ko nta kintu na kimwe Imena Evode yakoze mu buryo bunyuranyije n’amategeko ndetse ngo nta bimenyetso bigize umugambi wo gutegura icyaha wigeze ugaragazwa n’ubushinjacyaha bityo ko gukurikiranwa afunze nta gaciro byahabwa.

Impapuro mpimbano zivugwa muri iki kirego zasinywe  ku matariki atandukanye na Imena Evode ubwo yemereraga kampani ya JDJ gukora ubushakashatsi y’amabuye y’agaciro mu majyaruguru y’Umujyi wa Kigali. Imena Evode yari yisobanuye avuga ko icyamurebaga ari ugusinya naho ibyo gushyiraho kashe n’amatariki siwe bireba ngo byakorerwaga mu bunyamabanga bwa MINIRENA.

Icyaha cy’itonesha cyo Evode yari yasobanuriye urukiko ko ajya gusinyira kampani JDJ, uburenganzira bwo gukora ubushakashatsi ngo nta cyamwezega ko abo agiye gusinyira ari abagore ba Kayumba na Kagabo bakoranaga muri Minisiteri imwe, ikindi kandi umukono we yawushyizeho byabanje kunyuzwa mu kanama kabishinzwe bityo ko nta ho yari guhungira adasinya ku nyandiko za kampani ya JDJ kandi bari bujuje ibisabwa.

Ako kanya nyuma yo gusobanura imiterere y’ikirego n’ubwiregure bwa Imena Evode yaba mu rukiko rwisumbuye rwa Nyarugenge ndetse no mu bujurire bwabereye mu Rukiko Rukuru, Urukiko Rukuru rwategetse ko Imena Evode akomeza kuburana ari hanze.

Kagaba Joseph na Kayumba Francis bari abakozi b’ikigo cy’ubushakashatsi muri MINIRENA, urukiko rukuru rwategetse ko bakomeza kuburana bari mu buroko

Ibi bishingirwa kukuba kampani ya JDJ ijya gushingwa, aba bagabo bombi babigizemo uruhare cyane ko iyi kampanyi yari iy’abagore babo aribo Jovia Diane hakiyongeraho na Joseph.

Aba baburanyi bombi ibyo basabaga byo kurekurwa bavuga ko bafite ibibazo by’uburwayi, urukiko rwavuze ko gereza ifite ubushobozi bwo kuvuza imfungwa zose ziba zikurikiranyweho ibyaha.

Ikindi kandi urukiko rushingiraho rutegeka ko Kagabo na Kayumba ngo nuko ibyo biyemereye mu bugenzacyaha byaje bihabanye n’ibyo bisobanuye rukiko.

Nyuma yo gusoma imyanzuro y’Urukiko Rukuru, abari bateze amatwi iyi myanzuro bahise bikubura barasohoka, umwunganizi wa Evode ashyira umukono ku myanzuro y’Urukiro Rukuru iburanishwa ripfundikirwa gutyo, urukiko rukuru rukomereza ku myanzuro y’abandi baburanyi.

Nkurunziza pacifique/touchrwanda.com

Leave a Reply