Zimbabwe: Abanyamakuru 2 bafunzwe bazira kubika perezida Mugabe

0
88

Abanyamakuru babiri bigenga bakorera i Harare mu kinyamakuru Newsday, bafunzwe bakurikiranyweho gutangaza inkuru ivuga ko Mugabe ageze mu bihe bye byanyuma.

Perezida Robert Mugabe
Perezida Robert Mugabe

Muri abo banyamakuru harimo umwanditsi mukuru wa Newsday Wisdom Mudzungairi ndetse n’umunyamakuru we Richard Chidzawere.

Aba banyamakuru bombi bakaba bafunzwe bakurikiranweho gutangaza amakuru  mabi kuri perezida Mugabe harimo n’ibitutsi.

Mu ntangiriro z’iki cyumweru nibwo perezida Mugabe yagiye kwivuza i Singapore, umuvugize we George Charamba yavuze ko azagaruka mu gihugu mu ntangiro z’icyumweru gitaha.

Newsday yari yatangaje ko Mugabe yagiye Singapore, ariko ko afitanye gahunda n’indege igomba guhita imutwara kubera ubuzima bwe butameze neza, iki kinyamakuru cyavugaga ko Mugabe yapfuye cyangwa se arwaye bikomeye.
Umunyamategeko Obey Shava mu muryango urengera uburenganzira bwa muntu muri Zimbabwe, yemeje aya makuru avuga ko abo banyamakuru babiri bafunzwe.

Perezida Mugabe kandi aherutse kujya gusura umuganga umwitaho mu mwaka ushize mu bihe bya Noheri iwe mu rugo Dubai, ubwo yari mu kiruhuko.

Mugabe niwe muperezida wa mbere ushaje ku isi, mu byumweru bishize umugore we Grace Mugabe yatangaje ko nubwo umugabo we yapfa abantu batora umurambo we. Mugabe akaba yaremeje ko ariwe uzahagararira ishyaka ZANU PF mu matora ateganyijwe kuba umwaka utaha.

Leave a Reply