Zimbabwe: Minisitiri araregwa gucuruza umugore we

0
1047

Minisitiri ushinzwe ikoranabuhanga muri Zimbabwe, Supa Mandiwanzira aregwa gucuruza umugore we amushakaho indonke n’ibyaha birimo kurya ruswa, ubujura n’ubuhemu.

Supa-Mandiwanzira

Mu kwezi gushije nibwo utavuga rumwe na Minisitiri, Masiwanzira yashyize ibaruwa kuri fesibuku (Facebook) arega Minisitiri ushinzwe Ikoranabuhanga gucuruza umugore we binyuze ku mufasha w’umukuru w’igihugu agakuramo amafaranga yatumye atangira ibikorwa by’ubucuruzi.

Mu byaha Mandiwanzira yarezwe bitatu birimo ubujura bwa za diyama(Diamonds), we yita ko ari ibinyoma agasaba akayabo kangana n’ibihumbi 150 000 by’amadorali ya Amerika nk’indishyi y’akababaro kubera yaharabitswe   ku mbuga nkoranyambaga.

Mu byaha bituma uyu muminisitiri asaba guhabwa iyi ndishyi y’akababaro, harimo kuba yararezwe gukoresha umufasha w’umukuru w’igihugu Grace Mugabe akikubira umutungo w’igihugu.

Kuri iki kirego Minisitiri asaba amadorali 50 000 kuko we avuga ko ibi birego ari ibinyoma yaraharabitswe.

Usibye kuba ari Minisitiri w’Ikoranabuhanga Supa Mandiwanzira afite ibikorwa by’ubucuruzi bitandukanye birimo radio y’ubucuruzi, Zi FM Stereo, kompanyi y’ubwubatsi n’ibindi bitandukanye.

Uwareze minisiriti yahawe iminsi icumi yo kwiregura kuri ibi byaha yareze mininsitiri w’Ikoranabunga muri Zimbabwe nk’uko ikinyamakuru The Zambian observer kibitangaza.

Yanditswe na Nsanzimana Germain

Leave a Reply