Amayobera ku bantu barenga 5000 biciwe umunsi umwe muri Paruwasi ya Mukarange

0
1276

U Rwanda n’Abanyarwanda bamaze iminsi mu cyumweru cyahariwe kwibuka ku nshuro ya 23 Jenoside yakorewe Abatutsi muri Mata 1994. By’umwihariko ku itariki ya 12 Mata ni umunsi wabayeho ubwicanyi ndengakamere kuri Paruwasi ya Mukarange iherereye mu karere ka Kayonza aho abantu barenga ibihumbi bitanu bishwe umunsi umwe. Minisitiri Stella Ford Mugabo n’abandi bayobozi bananiwe kwiyumvisha uburyo abo bantu bose bishwe umunsi umwe.

Guverineri w’intara y’Uburasirazuba

Padiri Kayisabe Vedaste, umwe mu barokokeye kuri iyi Paruwasi, yasobanuye iby’ubwicanyi ndengakamere bwabereye i Mukarange aho yavuze ko ku itariki 12 hishwe Abatutsi basaga ibihumbi bitanu ndetse agahamya ko na we atabashaga kubisonukirwa, gusa akavuga ko kugirango arokoke na we byamubereye nk’inzira y’umusaraba kugeza n’uyu munsi atarasobanukirwa

umwe mu barokokeye kuri iyi Paruwasi

Mu butumwa yatanze kuri uyu wa Gatatu tariki ya 12 Mata ubwo yifatanyaga n’abatuye mu karere ka Kayonza, by’umwihariko abaturiye iyi Paruwasi ya Mukarange, Guverineri w’intara y’Uburasirazuba, Kazaire Judith, yasabye abaturage gufata mu mugongo abacitse ku icumu rya Jenoside yakorewe Abatutsi mu 1994.

Minisitiri Ushinzwe imirimo y’Inama y’Abaminisitiri

Minisitiri Ushinzwe imirimo y’Inama y’Abaminisitiri, Stella Ford Mugabo nawe wari muri uyu muhango, mu ijambo rye yongeye kugaruka by’umwihariko ku bwicanyi ndengakamere bwabereye i Mukarange, agaragaza ko ari amayobera uburyo abantu barenga 5000 bishwe umunsi umwe ndetse anagaya cyane abakoze ubwo bwicanyi.

ishyingurwa mu cyubahiro

Muri iki gikorwa kandi hashyinguwe imibiri 23 yiyongera ku mibiri 8684 yari isanzwe iruhukiye muri uru rwibutso rwa Mukarange, aba bose bakaba ari Abatutsi biciwe kuri iyi Paruwasi ya iherereye mu Murenge wa Mukarange, Akarere ka Kayonza, mu Ntara y’ Uburasirazuba.

Ishyingurwa

Leave a Reply