APR FC iguye miswi na Police FC

0
1133

Ikipe ya APR FC inganyije n’ikipe ya Police FC igitego kimwe kuri kimwe mu mikino ya shampiyona y’umunsi wa 25, amahirwe yo gutwara igikombe akomeza gusekera Rayon Sport.

Ni umukino utari woroshye ku mpande zombi, kuko basatiranaga cyane ariko ibitego byo byari byabaye ibyibura, ibi bikaba byaje no gutuma igice cya mbere kirangira amakipe yombi anganya ubusa k’ubusa.

Igice cya kabiri, ikipe ya APR FC yokeje igitutu Police FC maze ku munota wa 52 Imran Nshimiyimana atsinda igitego cya mbere giturutse kuri koruneli yatewe na Patrick.

Haciyemo iminota 9 yonyine APR imaze gutsinda, Usengimana Danny wa Police FC yahise yishyura igitego bari batsinzwe giturutse ku ikosa myugariro Aimable Nsabimana yakoreye Biramahire Abeddy.

Urebye ntazindi mpinduka zidasanzwe zagaragayemo, kuko iminota 90 uteranyije n’iyinyongera yarinze irangira amakipe yombi yananiranywe, APR FC na Police zigabana amanota zityo.

Abakinnyi babanje mu kibuga ku mpande zombi:

Police FC: Nzarora Marcel,Mpozembizi Mouhamed, Twagizimana Fabrice, Habimana Hussein, JMV Muvandimwe,Nizeyimana Mirafa, Mushimiyimana Mohamed, Ngendahimana Eric, Imurora Japhet, Dany Usengimana, Mico Justin.

Police FC

APR FC:  Emery Mvuyekure,Rusheshangoga Michel, Nsabimana Aimable, Rugwiro Herve, Imanishimwe Emmanuel, Imran Nshimiyimana, Djihad Bizimana, Muhadjili Hakizimana, Benedata Janvier, Issa Bigirimana, Sibomana Patrick.

APR FC

Indi mikino yabaye kuri iki cyumweru:

Police FC 1-1 APR FC

Sunrise FC 1-2 Kiyovu SC

Kirehe FC 0-2 Marines FC

Mukura VS 2-1 Bugesera FC

LEAVE A REPLY

Please enter your comment!
Please enter your name here