Fireman agiye gushyira hanze Alubumu

0
369

Uwimana Francis benshi bazi ku izina rya Fireman ni umwe mu baraperi bakomeye hano mu Rwanda ndetse akaba yarahoze mu itsinda rya Tuff Gangs kurubu ryasenyutse buriwese akajya gukora ku giti ke.

Fireman agiye gushyira hanze Alubumu

Fireman benshi bamumenye mu ndirimbo nka Original, Umuhungu wa muzika, Sagihobe n’izindi nyinshi zitandukanye.

Mu kiganiro kirambuye Fireman yagiranye na Touchrwanda yavuze kuri Alubumu nshyashya arimo gutegura yitwa Nkunda Rap ikubiyemo indirimbo ze zigera kuri 14, ndetse akaba akiri kuzikora kugirango azayimurike zose zuzuye.

Yagize ati “Ndimo gutegura Umuzingo(Alubumu) witwa Nkunda Rap ukaba ukubiyemo indirimbo zanjye zigera kuri 14 harimo izo nashyize hanze ndetse n’izindi zikiri muri Studio ndimo gutunganya”

Fireman kandi yakomoje kuby’isubirana rya Tuff Gang aho yavuze ko abantu bumvishe nabi amagambo Bulldog yavuze, ntago ari ugusubirana ahubwo ni ugukorana, cyane cyane Fireman yavuze ko azafasha uko ashoboye Bull Dog na Mico The Best babana muri Super Level mu irushanwa rya PGGSS7.

Leave a Reply