Imirimo yatuma ingo zitaramba zigasenyuka vuba

0
489

Nubwo akazi ari inkingi ikomeye mu kubaka no gutunga urugo, hari akazi uwo mwubakanye yokora cyangwa wowe ubwawe wakora kakaba kabagabanyiriza amahirwe yo kubana neza mu rugo rwanyu mahoro, ndetse bikaba byabaviramo gutandukana imburagihe.

Nubwo ako kazi uwo mwashakanye akora katabababuza kugirana ubwumvikane busesuye, hano kuri touchrwanda.com tugiye kurebera hamwe uko imirimo igenda irutanwa mu byerekeranye nuko yatuma abashakanye bizerana mu bizima bwabo bwa buri munsi. cyane cyane mu bigendanye no kubaka ingo zabo zikaramba.

  1. ABAHANZI / IBYAMAMARE 

ABAHANZI / IBYAMAMARE

Kugira umugabo w’umuhanzi cyangwa umugore w’umuhanzikazi (ibyamamare), bitera ikibazo hagati y’abashakanye. Akenshi iyo batabyitwayemo neza, usanga umubano wabo wiganjemo gufuha cyane ndetse no kutizerana hagati yabo, ibyo bikaba byakurura amakimbirane yiganjemo gutongana no gushwana kenshi na kenshi, ndetse bikaba byabaviramo gutandukana.

Ahanini ahobipfira nuko umwe cyangwa undi akundwa n’abafana be cyane,  abagore (niba ari umugabo), abagabo (niba ari umugore). Nkiyo umwe mu bashakanye yagiye mu bitaramo, bikaba ngombwa ko murara ukubiri, kenshi na kenshi bituma umwe cyangwa undi arara ahagayitse, umutima utari hamwe yibaza ati ”none bazamuntwara cyangwa se n’ubundi tubana tutabanye byararangiye baramuntwaye, ese aba ari mu biki iyo tutari kumwe!” Ibyo byose bikaba byatera impamvu nyinshi zo gutuma urugo rudakora neza, bityo hakaba havamo impamvu zituma urukundo rukembera n;urugo rukaba rwasenyuka.

2. ABAGANGA

ABAGANGA

Kubakana n’umugore cyangwa umugabo w’umuganga bisaba kwihangana no kwizerana bihagije. Haba gutaha mukerewe cyangwa kurara amazamu, byose bituma kubaka urugo bidakorwa mu buryo bunononsoye, bikaba ibindi iyo mutabyumvikanaho neza, bityo bikaba byakurura kutumvikana no kutisanzura uko bikwiye mu mubano hagati yanyu.

Uwagiye kw’izamu ashobora kuhafatirwa n’intege nke akaba yagwa mu mutego wo guca inyuma uwo bashakanye. Uwasigaye mu rugo nawe imbeho n’irungu bika ba byamutera umutima utari mwiza, akaba yatekereza ibindi byashobora kumusenyera urugo.

Si ukuvuga ko igihe cyose ariko bigenda uko, kuko ingo nyinshi usanga zishoboye kubyitwaramo neza, mu rukundo ndetse no mubusabane buhagije butatuma hari ugira urwikekwe ku wundi.

3. ABASIRIKARE N’ ABAPOLISIABASIRIKARE / ABAPOLISI

Kurinda umutekano ni umwuga w’ubwitange kandi ukenewe n’igihugu n’abenegihugu igihe cyose isaha ku yindi, haba amanywa cyangwa ijoro.

Mbere yuko wakwifuza gushakana cyangwa gushinga urugo n’umusirikare /umupolisi cyangwa undi wese ushinzwe umutekano ,ni byiza ko umenya ko mutazajya muhorana igihe cyose kuko hari igihe yahamagarwa ku buryo butunguranye akaba yagusiga mu busaswa igihe icyo aricyo cyose cyangwa se akaba yamara iminsi atageze mu rugo ku mpamvu z’akazi. Icyo gihe bisaba ko uba ubyiteguye kandi mukaba mwizerana bihagije kuburyo ntawatekereza ko uwmwe yakora ibibi aciye inyuma y’undi.

4. UMUKOZI WO MU KABARI

umukozi wo mu kabari

Akazi kose kagutunze ndetse kaguha umushahara, uko kaba ariko kose, mu gihe runaka ni keza, iyo ukitwayemo mu buryo butari bubi.

Umugore cyangwa umugabo ukora mu kabari aba afite ikigeragezo kiri hafi ya 90% cy’uko yaca inyuma uwo bashakanye bitewe n’ibishuko ndetse n’ibigeragezo ahurira nabyo mu kazi akora. bisaba kwigangana no kwizerana bihagije kugirango ingo zabo zikomeze gukomera nta kizihungabanya.

5. ABASHOFERI

abashoferi

Si abashoferi bose ariko ahanini abatwara ibimodoka binini cyangwa bikururana kandi byambuka imipaka, bakaba bamara iminsi batagera mu ngo zabo. Kenshi nakenshi ingo zabo ntizikunda kuramba cyangwa zigahoramwo umwuka mubi utewe n’urwikeko rwo gucana inyuma iyo nta kizere gihagije kiri hagati y’abashakanye.

Usanga uwo mwashakanye afite urugendo ruzamara iminsi cyangwa amezi runaka, hagati aho kandi niko umufasha wiwe arusigayemo wenyene. Iyo mu mahanga ya kure agenda ahahurira n’imico myinshi itandukanye. Biba bigoranye ko yakwihangana akiraza ayo majoro yose wenyine, cyangwa se uwo yasize inyuma nawe akaba yashobora kwihangana agategereza igihe undi azagarukira. Intege nke hagati ya bombi nizo zaba nyirabayazana mu mubano wabo, gukomera cyangwa gusenyuka.

Ese wowe iyo mirimo ubona hari uruhare yagira mu kutabana neza kw’abashakanye?
Tanga igitekerezo cyawe muri comments cyangwa utwandikire kuro touchrwanda2017@gmail.com

Leave a Reply