Inzira byanyuzemo ngo Robert O’Neil abashe kwica Osama Bin Laden yashyizwe ahagaragara

0
8159

Osam Bin Laden watumye leta zunze ubumwe z’Amerika zishora akayabo kumurengera mu gisirikare cyayo ngo imuhigishe uruhindu mpaka ashizemo umwuka, ubuzima bwe bukaza kujya kwiherezo uwamwivuganye amurashe isasu ku mutwe yashyize hanze inzira ndende byanyuzemo.

Robert O’Neill w’imyaka 41 y’amavuko wari mu mutwe wagiye guhiga bukware Osama Bin laden yashyize hanze igitabo yise ‘The Operator’ gikubiyemo urugendo we na bagenzi be bakoze ngo bagere Abbottabad muri Pakistan mu mwaka w’i 2011 ahari ubuvumo Osama ndetse n’ingabo ze bari bihishemo.

Robert O’Neil warwanye mu bitero birenga 400 uvuga ko we ubwe ariwe wikoreye mu mbarutso akarasa isasu ry’umutwe Osama yagaragaje inzira byanyuzemo ngo abashe kugera mu cyumba cyari cyageretsweho amatafari bajijisha ko ari nk’urukuta akagwa ku wari umukuru w’umutwe wa Al-Qaeda wari warabujije amahwemo Amerika ari kumwe n’uwari umugore we muto mu cyumba cyuzuye umwijima.

O’Neil mu kugaragaza amiyumvo yari afite muri icyo gihe yagize ati: “Ibi n’agatangaza, ubu twageze ku nzu Bin Laden abamo. Ibi ntako bisa. Ntabwo twizeye ko turi bukomeze tubeho, ariko aya ni amateka kandi ngiye kuyashyikira.”

Bakinjira mu nzu itsinda rindi ry’abasirikare bari bari kumwe na O’Neil ryatangiye kugotagota ibyumba byose biteze kubona aho Osama ari busohokere ndetse batangira gusohora abagore n’abana uyu mutwe wa Al-Qaeda wari warafashe bugwate.

Umwe mu bagore yabwiye abo basirikare ati: “ Mugomba kwitegura Khalid Bin Laden, Umwana wa Osama niwe uhora iruhande rwa se kandi ahora yiteguye (kurasa), muramutse mubonye Khalid mwizere ko na Osama ari bugufi.”

Ni byo koko iri tsinda ry’abasirikare bari kumwe na O’Neil ryarakomeje rigeze imbere Khalid asohora umutwe aravuga ati “ibi n’iki?” mbere y’uko araswa isasu ry’umutwe.

Gusa aho byari bigeze O’Neil ndetse n’itsinda bari kumwe bumvaga bamaze kuba nk’ibihara magara gupfa ntacyo bibabwiye na gato biyemeza gukomeza inzira ngo bashyirwe babonye aho Osama we nyirubwite aherereye.

Mu kwigira imbere gato haje abagore babiri bambaye bikwije hose, umusirikare wababonye wari ufashe kumbarutso yafashe icyemezo cyo kutagira uwo arasa kuko yahise atekereza byihuse ko bashobora kuba bizirikiyeho ibisasu mu nda, mu gihe baba barashe nabo byabaturikana bakahasiga ubuzima.

O’Neil we yakomeje nzira ageze mu kindi cyumba abona Osama nyirubwite ndetse amubona mu buryo butandukanye nuko yamutekerezaga, O’Neil yagize ati: “Nasanze yari umugabo muremuren unanutse, afite ubwanwa bugufi ndetse n’imisatsi y’imyeru.”

Umugore umwe yari ahagaze imbere ye ariko O’Neil ntiyashidikanya akora ku mbarutso incuro ebyiri ndetse yiyongeza n’irya gatatu ngo yizere neza ko Osama atakiri ku isi.

Nyuma yo kurasa Osama, O’Neil yari afite ubundi butumwa bwo gukiza ingabo za Afganistan zirimo Captain Marcus Luttrell mbere yuko asubira iwabo muri Amerika.

Mu gusobanura umurimo yakoze ndetse n’itsinda bari kumwe O’Neil yagize ati: “Bari abantu bibitangaza, gusa kurundi ruhande bari nk’abandi ndetse nterwa ishema no kuba narafatanyije nabo mu kubigeraho. Ndifuza kwerekana ko mu gihe ufite intumbero nziza nta kintu na kimwe cya guhagarika, utitaye aho uri kurubu, mu gihe cyose ukora cyane ndetse ntuteshuke ku ntego zawe byanze bikunze ushyirwa ubigezeho.”

Mu mwaka w’i 2014 akaba aribwo byashyizwe hanze ko Robert O’neil ariwe wishe Osama Bin Laden gusa leta y’Amerika ikaba yari yaranze kugira icyo ibivugaho kuva icyo gihe mu kubyemeza cyangwa se ikabinyomoza.

Erick M. RUZINDANA/TouchRwanda.com

Leave a Reply