Iyumvire ubuzima bugoye Theo Bosebabireba yanyuzemo mu gihe cya Jenoside

0
4182

Uwiringiyimana Theogene benshi bazi nka Theo Bosebabireba ni umuririmbyi uririmba indirimbo z’Imana(Gospel), benshi bakaba baramumenye mu ndirimbo Ikizurubwa, Ingoma, Ubwoba ni bushire n’izindi nyinshi.

Uwiringiyimana Theogene benshi bazi nka Theo Bosebabireba
Uwiringiyimana Theogene benshi bazi nka Theo Bosebabireba




Mu gihe abanyarwanda bose bari kwibuka ku nshuro ya 23 Jenoside yakorewe abatutsi muri Mata 1994, Theo Bosebabireba yaganiriye n’umunyamakuru wa TouchRwanda maze asangiza abanyarwanda amwe mu mateka make yamuranze muri Mata 1994.

Jenoside iba, Theo Bosebabireba yabaga mucyahoze ari Kibungo muri Komine yitwaga Kabarondo, segiteri(Umurenge) yitwaga Icyinzovu, selile(akagali) yitwa Rurenge, ubwo Jenoside yabaga akaba yari afite imyaka 13 aho yabanaga n’abavandimwe be babiri na Nyina, se wabo we ntago babanaga.

Gusa mu muryango we bari baravutse ari abana batatu, umwe aza kwitaba Imana mbere ya Jenoside hasigara Theo na mushiki we gusa.

Ubuzimwa Theo yaciyemo mu gihe cya Jenoside bwari bugoye cyane kimwe n’abandi banyarwanda bayinyuzemo, kuko yabayeho yihishahisha gusa ntago yigeze arenga umupaka w’u Rwanda, ahubwo yagumye muri komine y’iwabo, ariko rimwe na rimwe hari igihe yajyaga kwihisha ahantu bakamwirukana bagahamagara abantu ngo berekane amarangamuntu, twebwe batugeraho bataducyaha gusa Imana yakomeje kuturinda ntitwagira icyo tuba dukomeza kwihishahisha.

Uwiringiyimana Theogene benshi bazi nka Theo Bosebabireba
Theo Bosebabireba asobanura ubuzima bukomeye yaciyemo

Nubwo Imana yakomeje kuturinda, ntago byaje guhira Mama umbyara kuko yaje gutanga amakuru y’abantu yabonye barimo gukora jenoside, havamo abahise bamwanga, maze bahita bamwivugana, abura ubuzima atyo.

Nyuma yo kubona uburyo Mama yishwe nahise mfata umwanzuro wo kwifata, sinjyire amakuru nzavuga kuko narimaze kubona ibyo bamukoreye byanatumye apfa ntazi iwabo kuko yajyaga avuga ko ahagira ariko ngo bose bapfuye, bityo sinabasha no gukura nzi umuryango wanjye, kuko mbere Mama atarapfa na jenoside itaraba hari basaza be bazaga kudusura, gusa jenoside imaze kuba ntanumwe nongeye guca iryera, ndetse ntanuwaje kubaririza amakuru ye, bityo menya ko nabo bitabye Imana.



Birumvikana nahise mpura n’ubuzima bukomeye, kuko nuwo twitaga Data nawe baramutweretse aratwihakana, maze ubwo dutangira urugamba rwo kwirwanaho, kugirango dushake imibereho tunacengana n’abashaka kutwivugana, byari ibihe bigoye cyane, k’uburyo ibyo mbyibutse ngira ishavu n’agahinda gakomeye.

Ubuzima bwo kwirwanaho byarangoye cyane kuko kugira ngo umuntu abone ubufasha byasabaga ko agomba kuba afite ababyeyi be bose, kandi nari maze kubura Mama, na data wambyaye amaze kunyihakana, ubwo mperaho mpura n’ibibazo bikomeye, kwiga biranga, gusa sinacika integer, nkajya nsenga, ari nako nshaka imibereho, mbona mbashije kugera aho ngeze ubu kubw’ubufasha bw’Imana no kwihangana kubera ko ibibazo Atari njye byabayeho gusa.

Uwiringiyimana Theogene benshi bazi nka Theo Bosebabireba
Theo Bosebabireba yahumurije abanyarwanda bose, ndetse avuga ko afite indirimbo agiye gushyira hanze muri iyi minsi

Yasoje yihanganisha abanyarwanda bose babuze ababo muri jenoside yakorewe abatutsi ndetse n’abagizweho ingaruka ubwo ndavuga abafite ubumuga n’izindi ndwara zitandukanye bavanye muri jenoside, ndetse yatubwiye ko arimo gutegura indirimbo nshya yitwa Ntumeho yakagombye kuba yarasohotse ariko kubera impamvu zitamuturutseho, byabaye ngombwa ko bayitindana, ariko ikaba irajya hanze vuba aha.


Leave a Reply