Koreya ya Ruguru yiteguye kurwana nayo mu ntambara na Amerika

0
2660

Kuri uyu wa kabiri, ibiro bya Minisitiri w’ububanyi n’amahanga muri Koreya ya ruguru byatangaje ko byiteguye intambara ku gikorwa icyo ari cyo cyose cy’Amerika cyo kugerageza kohereza andi mato mu gace ka Koreya ya ruguru nk’uko byagenze kuri iki cyumweru gishize.

Kim YongUn Army

Ibi bikaba bibaye nyuma y’uko mu munsi ishize Leta zunze Ubumwe z’Amerika zohereje amato y’intambara mu gace Koreya ya ruguru  igamije kwihanangiriza iki gihugu no kukimenyesha ko nicyongera kugerageza no kohereza ibitwaro by’ubumara mu kirere, Amerika izahita ikigabaho ibitero.

Kuri ubu perezida wa Koreya ya Ruguru Kim Jong-un akaba yamaze guha Amerika gasopo.

Ibiro ntaramakuru bya Koreya ya Ruguru byatangaje ko umuvugizi muri minisiteri y’ububanyi n’amahanga, yatangaje ko ibikorwa by’Amerika byarenze imbibi bikaba ari ubushobotarinyi bugaragara Donald Trump akorera Perezida wa Koreya ya ruguru iyoborwa n’umusore Kim Jong Un, uyu mu minisitiri yanongeyeho ko igihugu cye cyiteguye mu buryo bwose niba Amerika yifuza intambara.

Yagize ati “Koreya yiteguye mu buryo bwose mu gihe Amerika yaba yifuza intambara”

Uyu muvugizi yanongeyeho ko bazatera Amerika bakoresheje intwaro zikomeye mu rwego rwo kwihimura kubikorwa byayo by’ubushotoranyi.

Yagize ati “tuzakora igikorwa gikomeye kugira ngo twirinde abashotoranyi dukoresheje intwaro zikomeye, tuzasubiza Amerika ibone ingaruka z’ibikorwa biteye isoni ikora”

Ibi bibaye mu gihe imyitozo ya gisirikare ihuriweho na Leta Zunze Ubumwe za Amerika na Koreya y’Epfo ikomeje kubera muri iki gihugu gihana imbibi na Koreya ya Ruguru, bigatera ubwoba ko igihe icyo ari cyo cyose intambara yarota hagati ya Amerika n’iki gihugu.

Perezida wa Leta zunze Ubumwe z’Amerika, Donald Trump yakunze kunenga umugambi wa Koreya ya Ruguru wo gukora ibitwaro by’ubumara avuga ko azivuganira na Leta ya Koreya ya ruguru, mu gihe Ubushinwa bwakwanga kumufasha.

Kuri ubu hari abacyeka ko mu minsi iri imbere Koreya ya ruguru ishobora kongera kohereza igisasu cy’ubumara mu nyanja mu rwego rwo kwizihiza isabukuru y’imyaka 105 y’uwayishinze, isabukuru izaba ku wa 6.

North Korea

Leave a Reply