‘Kuva ibuzimu ugaruka ibuntu,’ ubuhamya bw’uwabashije kwigobotora imigambi y’ubunyamaswa bya ISIS

0
2085

Urukundo koko n’impumyi kandi uwo ukunze biragora kumubonaho icyasha mu gihe mukirambagizanya ngo mwigane utugeso n’imico bya buri umwe, amaraso y’Ubugimbi n’ubwangavu yakuruye Mitat na Khalil abahuriza kurubuga rwa murandasi nuko baratangira barishimirana ndetse batekereza nuko bitarangirira aho byabyara umugabo n’umugore bakubaka umuryango.

Islam Mitat ni umukobwa wo mu gihugu cya Morocco  waje kujya mu rukundo biturutse kurubuga ruhuza abasilamu n’abasilamukazi bakajya mu rukundo rwitwa Muslima.com n’umusore ufite amamuko muri Afganistan mu gace ka Kabul gusa aza kubona ubwenegihugu bw’Ubwongereza, ufite amazina ya Ahmed Khalil ndetse biyemeza ko bitagomba kurangirira aho bagomba guhura bagapanga imishinga y’ubukwe bakubaka umuryango.

Mitat akaba mu buto bwe yari umukobwa ufite inzozi zo kuzaba umunyamideli, nibwo yaje kugwa mu rukundo na Khalil wiberaga mu Bwongereza cyo kimwe n’abandi Banyafurika benshi yumva arasekewe abonye ikimugeza ku mugabane w’Uburayi.

Nyuma y’amezi macye bagirana ibiganiro nk’abakunzi, Khalil yaje gufata rutema ikirere yerekeza muri Morocco ari kumwe n’umugore yavugaga ko ari mushiki we aje gusura umuryango wa Mitat ndetse aje no kumusaba ko yamwemerera akamubera umufasha.

Mu buhamya bwe Mitat yahaye ikinyamakuru cya CNN yavuze ko yamubonyemo umugabo mwiza w’imico myiza ndetse ntibyatinze baje kwemeranya gushyingirwa nyuma y’umuhango w’ubukwe bwabo uyu muryango waje kwerekeza mu gihugu cya Dubai kujya mu kiruhuko nyuma yaho baza gukomereza mu gace ka Jalalabad muri Afganistan kujya guhura nabo mu muryango wa Khalil gusa ntibaje kuhatinda kubera ikibazo cy’umutekano mucye uharangwa Mitat yafashe icyemezo cyo kugaruka iwabo muri Morocco.

A certified copy of Ahmed Khalil's passport shows his birthplace as Kabul in Afghanistan.
Icyangombwa cy’Inzira cya Ahmed Khalil waje kugusha Islam Mitat mu mutego wa ISIS

Ibyo urugendo rwerekeza muri Turkey

Khalil yaje kubwira umufasha we ko yabonye akazi mu gihugu cya Turkey ndetse ko nawe ubwe bihuriranye ko yari ari gutegura uburyo bajya kuhakorera ibiruhuko nuko bafata inzira berekeza muri iki gihugu, gusa mu nzira aho kwerekeza kuri hotel bazacumbikamo baje kwerekeza mu gace ka Gaziantep mu majyepfo y’iki gihugu hafi y’urubibi bahana n’igihugu cya Syria.

Umugabo wavugaga ururimi rwaho kavukire niwe wabatwaye mu modoka abajyana mu rugo rurimo ingeri z’abantu benshi barimo abagore, abagabo ndetse n’abana. Mitat akihagera yasanze abagore n’abana bari mu cyumba kimwe ndetse n’abagabo nabo bari mu kindi cyumba nuko atangira kugira umutima uhagaze yibaza ikibahurije hamwe bose.

Mitat akomeje kugira amakenga niko kubaza umwe mu bagore bahuriye muri icyo cyumba impamvu bose bateranirijwe ahantu hamwe niko kumusubiza ko bari kwerekeza muri Hijra.

Hijra ni urugendo Intumwa y’Imana Muhammed yakoranye n’abayoboke be, aho abayoboke b’Idini ya Islam bakora bava Mecca berekeza Medina gusa kurubu intagondwa za ISIS zikaba zarahaye iyo nyito kwivugana buri umwe utagendera ku matwara ya Islam.

Khalil na Mitat bakiri muri Dubai yamubwiye ko amufitiye ikintu amuhishiye ashaka kumwerekera muri Turkey bakiraho yaje kumwegera aramubwira ati “ Iyi niyo mpano nari nguhishiye yo kukujyana muri Syria.” gusa Mitat yaje gutekereza ubuzima bwaho ashaka ku byanga gusa Khalil aza kumubwira ati: “Nk’umufasha wanjye ugomba kunyubaha”

Mu rugendo rwerekeza muri Syria Mitat yashatse kubwira abayobozi ba Turkish ku mupaka ibye ngo bamufashe ku mugobotora ntabashe kwerekeza mu ntambara yo muri Syria gusa umwe mu ba polisi yiyambaje yaramushwishurije ko nta amakuru y’ibanga agomba kubaho hagati y’urwego akorera n’umuturage umwe ku giti cye.

Ibibazo mu bindi byo muri Syria

Mitat asobanura ko akigera muri Syria yasanze ubwoko bw’abantu batandukanye baturutse imihanda yose mu bihugu birimo Ubwongereza, Canada, France, Ububiligi, Tunisia, Morocco, Algeria ndetse na Saudi Arabia.

Khalil yaje gufatwa ajyanwa mu myitozo ya gisirikare gusa agenda Mitat amaze gusama inda nyuma yo gutozwa Khalil yaje kujyanwa ku rugamba rwe rwa mbere na ISIS gusa ahita anahasiga ubuzima mu ntambara yabereye muri Kobani.

Nyuma y’urupfu rw’umugabo we Mitat yaje kwiheba bikomeye ndetse abura n’icyo gukora muri Syria gusa aza guhura n’umuvandimwe wa Khalil gusa nawe ntibamaranye igihe kirekire kuko nawe yaje gutakariza ubuzima mu ntambara.

Nyuma y’igihe Mitat yashakishije inzira zose z’uburyo yazigobotora ISIS ni bwo yaje kongera gushyingirwa uwari inshuti y’umugabo we witwaga Abu Talha Al-Almani gusa ntibyaje ku mugendekera neza kuko uyu mugabo atamukundiraga kuba yasohoka mu nzu mu gihe Mitat yashakaga inzira bizanyuramo ngo abone uburyo yava muri iyi ndiri y’ubwicanyi gusa nyuma y’igihe gito uyu mugabo nawe yaje kuhasiga ubuzima kubera kurwanira ISIS ubwo bari batuye mu gace ka Raqqa.

Mitat yaje guhisha abaturanyi be iby’urupfu rw’umugabo we wa kabiri maze yiga uburyo agurisha bimwe mu bikoresho bari bafite mu nzu ngo abone amafaranga azakoresha mu rugendo ahunga aka gace aho yaramaze kwibaruka abana babiri umukuru agejeje imyaka ibiri umuto abura amezi abiri ngo yuzuze umwaka.

Kubw’amahirwe Mitat yaje kuhura n’abayobozi b’inzego z’ubutasi muri Syria niko kumubaza ubuzima bwe nyuma yo kubasobanurira baramufata bamujyana mu majyaruguru y’igihugu cya Syria.

Islam Itat, from Morocco, has found refuge with her children in a YPG safehouse northeastern Syria.
Mitat n’abana be babiri wabonye ubuhungiro nk’impunzi muri YPG

Itsinda ryita ku bazahajwe n’intambara muri Syria rya YPG ryaje guhamagara muri Ambasade ya Morocco babamenyesha amakuru ya Mitat maze bagarure Mitat ndetse n’abana be babiri iwabo ku ivuko.

Gusa kugeza kurubu Mitat akaba ahangayikishijwe n’ahazaza ha abana be uburyo azabashakira ibyangombwa kuko umwana we wambere yamubyaye ku ufite ubwenegihugu bw’Ubwongereza mu gihe umutoya we Se yakomokaga muri Australia.

Gusa uruhurirane rw’inzira yakoze ava muri Morocco yerekeza Dubai, Afghanistan ajya muri Turkey agasoreza muri Syria ni inzira y’umusaraba yamushegeshe mu buryo bukomeye adateze kwibagirwa.

Erick M. RUZINDANA/TOUCHRWANDA.COM

Leave a Reply