Kwibuka 23: Urutonde rwa bamwe mu bahanzi bazize Jenoside yakorewe abatutsi

0
950

Umwaka w’i 1994 uri mu myaka itazibagirana mu mateka y’u Rwanda bitewe na Jenoside yakorewe abatutsi mu kwezi kwa Mata muri uwo mwaka, iyi jenoside ikaba yarahitanye abantu banyuranye harimo n’abahanzi basusurutsaga abanyarwanda.

Bitewe n’uburyo Jenoside yasenye igihugu, benshi bacyekaga ko nta mucyo uzongera kuba murwa Gasabo ndetse bakavuga ko kubaka ibikorwa by’iterambere bizagorana cyane.

Uko imyaka yagiye ihita u Rwanda rwagiye rwiyubaka ubutitsa, ingabo zari iza RPF Inkotanyi zigarura amahoro mu gihugu.

Nkuko bigaragara haruguru, Jenoside yahitanye abantu benshi barimo n’abahanzi bari bakunzwe cyane muri icyo gihe.

Nkuko bigaragara haruguru, Jenoside yahitanye abantu benshi barimo n’abahanzi bari bakunzwe cyane muri icyo gihe.

Uru n’urutonde rwa bamwe mu bari abahanzi bazize Jenoside yakorewe abatutsi muri Mata 1994

1.Rugamba Sipiriyani

Rugamba Sipiriyani

Rugamba Sipiriyani ni umwe mu bahanzi bazize Jenoside yakorewe abatutsi muri Mata 1994, yavutse mu mwaka w’1935 benshi bakaba bamuzi cyane mu ndirimbo hamwe n’amasimbi n’amakombe.

Hari imwe mu nkuru zasohotse mu kinyamakuru ‘Imvaho Nshya’ muri Mata 2011, ivuga ko ubwo Rugamba yicwaga muri Jenoside muwi 1994 yari kumwe n’abandi baririmbyi be kimwe n’abagize umuryango we.

2.Bizimana Loti

Bizimana Loti uzwi mu ndirimbo ‘Nsigaye ndi umuzungu’ na ‘Nta munoza’, nawe yishwe muri Jenoside yakorewe Abatutsi. Uyu muririmbyi ubuhanzi bwe mu ndirimbo bwari bushingiye ku gushyenga ariko bugaha impanuro abantu. Mu buzima busanzwe ngo yari umuntu ukunda gushyenga.

3.Sebanani Andre

Mu mazina azwi cyane harimo Sebanani Andereya, uyu yari umucuranzi n’umuririmbyi muri Orchestre Impala akaba yari azwi no mu ikinamico kuri radio Rwanda aho yakinaga mu itorero Indamutsa. Yanaririmbye ku giti cye indirimbo zitari nke harimo ‘karimi ka shyari’, ‘Mama Munyana’ n’izindi.

4.Karemera Rodrigue

Karemera Rodrigue

Urutonde rw’abahanzi bari bakomeye bishwe muri Jenoside yakorewe Abatutsi ruzaho na Karemera Rodrigue nk’umwe mu bihangage by’umuziki mu baririmbaga ku giti cyabo. Nyakwigendera azwi mu ndirimbo ‘Kwibuka’, ‘Ubarijoro’ n’izindi.

5.Uwimbabazi Agnes

Uyu yari umugore wa Bizimungu Dieudonne bakaba baranaririmbanaga. Ijwi rye ryumvikana mu nyikirizo y’indirimbo ‘Munini yaje’.

6.Gatete Sadi

Uyu muhanzi yari azwi muri Orchestre Abamararungu. Iyi niyo yaririmbye indirimbo nka ‘Ijambo ry’uwo ukunda’, ‘Julienne’ ‘Urugo rw’umugabo’ n’izindi.

7.Emmanuel Sekimonyo

Emmanuel Sekimonyo

Uyu yari umuririmbyi ukomeye ku giti cye. Yari azwi cyane mu ndirimbo ‘Umwana w’umunyarwanda’.

8.Bizimungu Dieudonné

Mu bahanzi bishwe muri Jenoside yakorewe Abatutsi baririmbaga ku giti cyabo harimo na Bizimungu Dieudonné, uyu ijwi rye rizwi mu ndirimbo Ibango ry’ibanga.

9.Rugerinyange Eugène

Rugerinyange Eugene nawe yazize Jenoside yakorewe Abatutsi. Uyu muhanzi yari azwi muri Orchestre Ingeli, ikiriho kugeza ubu.

10.Murebwayire Mimir

Uyu mubyeyi yaririmbaga muri Orchestre Les Citadins. Iyi izwi mu ndirimbo nka ‘Ancila’ ‘Rugori Rwera’ n’izindi.

Uretse abahanzi ku giti cyabo n’abaririmbaga mu matsinda, hari n’abandi bari bazwi muri za Korari nka: Iyamuremye Saulve wabarizwaga muri Korali Indahemuka, Rwakabayiza Berchmas na Kayigamba Jean de Dieu baririmbaga muri Chorale de Kigali, Kalisa Bernard, waririmbaga muri Chorale Ijuru n’abandi.

Muri uyu mwaka wa 2017, turibuka jenoside yakorewe abatutsi muri Mata 1994 ku nshuro ya 23, aho dufite insanganyamatsiko igira iti “Twibuke Jenoside yakorewe Abatutsi, turwanya ingengabitekerezo ya Jenoside, dushyigikira ibyiza twagezeho.”

LEAVE A REPLY

Please enter your comment!
Please enter your name here