Mu karere ka Nyagatare ubukangurambaga bwo kurwanya ibiyobyabwenge burakomeje

0
249

Ingufu zikomeje gushyirwa mu kurwanya ikoreshwa ry’ibiyobyabwenge haba mu kubinywa, kubikwirakwiza no kubicuruza mu karere ka Nyagatare zikomeje gutanga umusaruro kuburyo hafashwe ibifite agaciro k’amafaranga miliyoni 43.

 kurwanya ibiyobyabwenge

Tariki ya 26 Werurwe, hafashe kandi hangizwa inzoga zitemewe zirimo amacupa agera ku 209,760 y’inzoga zitandukanye, amakarito 1748 ya Kitoko, litiro 612 za kanyanga, byose byangirijwe mu murenge wa Rwimiyaga.

Hari hanashize iminsi mike kandi, mu mikwabu Polisi y’u Rwanda yakoze mu duce dutandukanye hafashwe n’izindi nzoga zitemewe za Zebra na Chief waragi. Polisi y’u Rwanda ikorera muri aka karere itangaza ko benshi mu bacuruzaga cyangwa batundaga izi nzoga bafashwe.

Umwe mu bafatiwe muri ibi bikorwa ni umumotari wafashwe kuwa kabiri w’iki cyumweru wafatiwe mu kagari ka Gasinga mu murenge wa Rwempasha apakiye amakarito 13 ya zebra waragi.

Umuyobozi wa Polisi y’u Rwanda mu karere ka Nyagatare Chief Superintendent of Police (CSP) Johnson Sesonga ubwo yaganiraga n’abaturage nyuma y’igikorwa cyo kwangiza ibiyobyabwenge byafashwe no kubimena ahabugenewe, yabashimiye amakuru bakomeje gutanga hakiri kare kuko ariyo atuma ibikorwa Polisi itegura bigenda neza birimo no gufata ibyo biyobyabwenge.

Yagize ati:” ibi byose tubigeraho kubera  ko mufite uruhare runini mu kurwanya ibyaha ndetse mukaba munafatanya n’inzego z’umutekano kuko aho zitari muba muhari mukazigezaho amakuru”.

LEAVE A REPLY

Please enter your comment!
Please enter your name here