Mukura VS yirukanye umukinnyi wayo

0
333

Kuri uyu wa gatanu tariki ya 14 Mata 2017, ikipe ya Mukura VS yandikiye ibaruwa isezerera burundu rutahizamu wayo witwa Ngama Emmanuel.

Rutahizamu wa Mukura Ngama Emmanuel.

Nkuko bigaragara mu ibaruwa yashyizweho umukono n’umunyamabanga mukuru wa Mukura VS, Niyobungiro Fidel ngo Ngama yahereye kera agirwa inama, gusa yanga kwisubiraho ari nabyo bitumye yirukanwa burundu muri iyi kipe.

Ibaruwa isezerera Ngama Emmanuel.

Mukura VS kurubu iri ku mwanya wa 12 n’amanota 23 mu mikino 22 ya shampiyona, ikaba itozwa na Ivan Minaert wasimbuye OkokoIyi.

Bimwe mubyo wagakwiye kumenya kuri Ngama wirukanywe muri Mukura VS

Ni umurundi w’imyaka 26 y’amavuko, akaba yaravukiye mu gace ka Ngagara mu mujyi wa Bujumbura, yatangiriye umupira mu ikipe nto ya Inter Petrol muri 2000, Ikipe nkuru yakinyemo bwa mbere ni Prince Louis, ayivuyemo ajya muri Atletico.

Yerekeze muri Reading mu Bwongereza agaruka mu Burundi mu gihe cy’amezi 6 abona kujya mu Bubiligi muri FC V Dende, avuye mu Bubiligi, Ngama yaje mu Rwanda akinira Nyanza Fc na Etincelles

Muri Mutarama umwaka ushize Ngama yagiye muri AFC Leopards ku masezerano y’imyaka 2 ariko nyuma y’amezi 6 ahita yerekeza muri Tusker nayo yo muri Kenya kuko yari amaze amezi ane adahembwa.

Leave a Reply