Musore, uramutse ukoze aya makosa umukobwa yakwanga urunuka

0
3689

Hari amakosa abahungu bakunze gukora mu gihe bari kumwe n’abakunzi babo ntibamenye ko uwo babikoreye abyanga urunuka, ibi bikaba byatuma mwangana burundu cyangwa se urukundo rwanyu rukagabanyuka.

Musore, uramutse ukoze aya makosa umukobwa yakwanga urunuka



Nibyiza ko wowe n’umukunzi wawe mubana mu mahoro, kugirango mukomeze mufatanye mu rugendo rw’urukundo, ibi bizagerwaho mu gihe umuhungu yirinze gukora ibi bikurikira:

1.Kunywa ugasinda igihe mwasohokanye

Iki ngo ni ikintu abakobwa bose banga ku basore, ngo kuko bimutera ipfunwe kugendana n’umuntu utazi icyatsi n’ururo, ugenda agwa, ndetse rimwe na rimwe akaba yanagira isoni zo kuvuga ko ari inshuti ye kuko ngo aba abona byamusebya cyangwa se bikamutesha agaciro mu bandi.

2.Abakobwa ntibakunda abasore batagira ikinyabupfura

Umukobwa aba ashaka umusore wubaha kandi akubaha n’abandi muri rusange. Uwo abaza ikintu akamusubiza neza, yishimye kandi ashyiramo n’urukundo ndetse yaba yanamukoreye ikosa akamubaza icyabimuteye yitonze ntaburakari abivugana.

3.Kugereranya inshuti yawe n’abandi bakobwa

Mu gihe uri kumwe n’umukobwa w’inshuti yawe ugatangira kumugereranya n’abandi bakobwa uvuga ibyo bamurusha nko kumubwira ko akwiriye kwambara nka runaka, ko kanaka mwakundanaga yambaraga neza kumurusha n’ibindi, ngo iri ni ikosa rikomeye cyane kuko yumva ko we afite agaciro gake imbere yawe bityo bikamutera uburakari ndetse no gukundana nawe akumva ntacyo bivuze.

4.Ntuzatonganye umukobwa ngo yikoraho agakabya(make up, maquillage). Ibyo bituma yigiramo ikizere kandi akumva ari mwiza rwose kandi byose abikorera kugushimisha. Ahubwo ujye nibura ushima uwo mwanya aba yataye yiyitabo kugira ngo aguheshe ishema umushimira mu magambo anyuze umutima.

5.Mu makosa yose ushobora gukora, ntuzatinyuke kwita umukobwa umusazi cyangwa ngo akora nk’utagira ubwenge. Uko waba ukeka ko yakabije mu buryo yitwaye mu kibazo, ntuzigere uvuga iryo jambo. Mu yandi magambo ukwiye kurikura mu nkoranyamagambo yawe ukoresha igihe muganira. Mu gihe bahuye n’ibibazo, niwo mwanya baba bakeneye ko ubereka ko ubari iruhande, iyo rero umubwiye ngo yarasaze, aho kumugarura agatima ahubwo bituma ibibazo birushaho kumuremerera.



Leave a Reply