Nshuti Savio na Kwizera Pierrot bagiye kwerekeza mu bubiligi

0
1258

Ikipe ya Rayon Sport ikomeje kubura inkingi za mwamba gahoro gahoro nyuma yuko Moussa Camara abacitse akerekeza i Dubai, kurubu Savio na Pierrot nabo bagiye kujya mu bubiligi.

Ku munsi wejo tariki ya 28 Mata 2017 nibwo amakuru yabaye kimomo ko Camara yacitse Rayon Sport rwihishwa akerekeza i Dubai gukinira indi kipe itaramenyekana kugeza nubu.

Nyuma y’igenda ry’uyu musore byamaze kwemezwa ko Savior na Pierrot nabo mu kwezi gutaha bazaba batakibarizwa mu ikipe ya Rayon Sport aho bagiye kujya gukora ikizamini cy’ isuzumwa mu ikipe ibifuza ya KAA La Gantoise izwi nka “KAA Gent”.

Nshuti Savio na Kwizera Pierrot bagiye kwerekeza mu bubiligi
Kwizera Pierrot

Aya makuru yemejwe na Gakwaya Olivier, umunyamabanga wa Rayon Sport aho yagize ati “Nibyo koko Savio na Pierrot bakabaye baragiye mu ikipe ya KAA Gent gusa babanje kudukinira mu mikino nyafurika, bikaba bibaye ngombwa ko bazagenda mu ntangiriro z’ukwezi gutaha, iyi kipe twamaze kugirana amasezerano”

Nshuti Savio na Kwizera Pierrot bagiye kwerekeza mu bubiligi
Nshuti Savio

Aba bakinnyi bashobora kuzamara ibyumweru bibiri mu gihugu cy’ububiligi hanyuma batsinda ibizamini by’isuzumwa bakabona kujya gukinira iyi kipe mu buryo bweruye, ndetse ninabwo amafaranga bazaha Rayon Sport azamenyekana.

Kugeza ubu Rayon Sports niyo iyoboye shampiyona y’u Rwanda n’amanota 55 aho irusha amanota atanu ikipe ya APR FC iyikurikiye, ndetse ikaba ifite imikino ibiri y’ibirarane harimo uwo izahuramo na Mukura VS ndetse Gicumbi FC.

Leave a Reply