Nubwo ari iby’igiciro gito byaguzwe akayabo kuko byakoreshejwe n’ibyamamare

0
608

Ikintu icyo aricyo cyose cyatunzwe n’ibyamamare hatitawe ku giciro ushobora kukibona ku masoko asanzwe gihenze cyane, nyamara akenshi uzasanga nta gaciro gahambaye kiba gifite, gusa kuko cyatunzwe n’icyamamare bikagihesha guhenda cyane.

Uko uwamenyekanye aba ashakishwa cyane ngo abantu babashe byibuze kuba bamubona nibura inshuro imwe mu buzima bwabo ninako aho atuye, ibyo atunze, ibyo akozeho nabyo bihenda cyane ku buryo byifuzwa na buri wese.

Mu gihe akiriho usanga hari benshi bifuza kumubona, kumenya ibyo aba arimo akora ngo nabo bajye babyigana mu buzima bwabo bwa buri munsi, iyo amaze kuva mu buzima bamwe bashaka gutunga ibyo yasize.

Ibi ni bimwe mu bintu byatunzwe n’ibyamamare babishyira ku isoko bikagurwa akayabo k’amafaranga.

Gant ya Micheal Jackson

Gant ya Michel Jackson

Akenda bambara ku ntoki bita Gant( glove) ka nyakwigendera Micheal Jackson kaguzwe mu cyamunara mu mugi wa Manhattan muri Leta zunze ubumwe z’ amerika akayabo k’amadorari ibihumbi Magana ane na makumyabiri ( $ 420 000).

Ikanzu ya Audrey Hepburn

Ikanzu ya Audrey hopburn

Ikanzu ndende yambawe na Audey Hepburn muri film yitwa “Breakfast at Tiffany’s” yaguzwe akayabo amadorari ibihumbi Magana cyenda na makumyabiri na bine Magana Atatu na mirongo ine n’arindwi ($ 924347) mu mugi wa London ho mu gihugu cy’ubwongereza mu mwaka wa 2006.

Igishushanyo “The massacre of the innocent”

Igishushanyo "The massacre of the innocent"

Igishushanyo “The massacre of the Innocent” cyakozwe na Peter Paul Rubens cyaguzwe na Kenneth Thomson ku giciro cy’ amadorari miliyoni mirongo irindwi n’esheshatu n’ibihumbi Magana arindwi ( $ 76 700 000) mu mwaka wa 2002.

Leave a Reply