Rayon Sport itsinze Musanze FC-AMAFOTO

0
1344

Kuri uyu wa gatandatu tariki ya 29 Mata 2017, ikipe ya Musanze FC yari yakiriye ikipe ya Rayon Sport mu mikino ya shampiyona y’umunsi wa 25, uyu mukino ukaba wabereye  kuri sitade Ubworoherane.

Amakipe yombi yatangiranye imbaraga mu gice cya mbere cy’uyu mukino, aho wasangaga basatirana nubwo nta kipe yigeze ireba mu izamu ry’indi. Muri iki gice umukino wibanze mu kibuga hagati, abazamu bakaba nta kazi gakomeye bigize babona, Musanze yabashije kuboneza mu izamu inshuro 3 mu gihe Rayon Sports yateye ishoti ryerekeza mu izamu rimwe gusa, igice cya mbere cyarinze kirangira amakipe anganya ubusa k’ubusa, gusa ku ijanisha Rayon Sport yari ifite 53% mu gihe Musanze yagize 47%.

Mu gice cya kabiri, Ikipe ya Rayon Sport yagarukanye imbaraga zihambaye cyane, abakinnyi ba Musanze bagenda bayikorera amakosa ariko ntibyabuza umunya Mali Tidiane Cone kubona igitego cya mbere cy’ikipe ya Rayon Sport cyabonetse ku munota wa 62.

umunya Mali Tidiane Cone

umunya Mali Tidiane Cone

Abasatirizi ba Rayon Sport barimo Savio na Shassir bari bazonze ba myugariro ba Musanze kuko ntibahwemaga guhusha ibitego buri kanya, ari nako akavura kajojobaga maze abafana ba Rayon Sport benshi bagashimangira ko ariyo mahirwe yabo.

umunya Mali Tidiane Cone
Shassir yari yazonze abakinnyi ba Musanze

Iminota 90 irinze irangira nta mpinduka zibayeho, Rayon Sport ikomeza kuyobora urutonde rwa shampiyona n’amanota 58, ndetse ica agahigo ko gutsindira ikipe ya Musanze iwayo.

11 ba Rayon Sport babanje mu kibuga

Izamu: Ndayishimiye Eric Bakame

Myugariro: Manzi Thierry, Mutsinzi Ange,Mugabo Gabriel,Nzayisenga Jean d’Amour Mayor

Hagati: Kakhule Mugeni Fabrice, Manishimwe Djabel, Niyonzima Olivier Sefu,Nahimana Shassir

Imbere: Tidiane Koné, Nshuti Savio

Indi mikino yabaye

Etincelle 0-0 Espoire 

AS Kigali 2-1 Pepiniere

Gicumbi 1-0 Amagaju

AMAFOTO:RUHAGOYACU

Leave a Reply