Rayon Sport itsinzwe na Rivers United

0
646

Kuri iki cyumweru tariki ya 16 Mata 2017, ikipe ya Rayon Sport yari yakinnye n’ikipe ya Rivers United yo mu gihugu cya Nigeria mu mukino ubanza mu ijonjora rya kabiri rya 1/16 ry’irushanwa ry’amakipe yatwaye ibikombe iwayo(CAF Confederation Cup).

Ni umukino wabereye ku kibuga cya Yakuba Gorow Stadium cyo mu mujyi wa Port Harcourt muri Nigeria ukaba urangiye ikipe ya River United itsinze Rayon Sport ibitego bibiri k’ubusa, n’ibitego byatsinzwe na Emeka Francis Atuloma na Kuemian Venance.

Rayon Sport itsinzwe na Rivers United
Rivers United itsinze Rayon Sport ibitego 2-0

Uyu mukino wagaragayemo imbaraga nyinshi ku ruhande rwa Rivers United, aho igice cya mbere cyarangiye yibitseho igitego cyayo cya mbere cyatsinzwe na Emeka Francis Atuloma ku munota wa 29.

Mu gice cya kabiri abakinnyi bavuye kumva inama z’abatoza, ikipe ya Rivers United yahise ibona igitego cya kabiri ku munota wa 50 gitsinzwe na Kuemian Venance.

Rayon Sport yakomeje gukora uko ishoboye kugirango yishyure, gusa biranga birananirana umukino urinda urangira nta mpinduka zibayeho, Rivers yegukana intsinzi ityo.

Umukino wo kwishyura uzabera I Kigali kuwa 6 utaha tariki ya 22 Matai kuri Stade Amahoro i Remera, Rayon sports yageze muri iki kiciro nyuma yo gusezerera Al Wau Salaam yo muri South Sudan na Onze Créateurs yo muri Mali.

11 ba Rayon Sports babanje mu kibuga:

Ndayishimiye Eric Bakame (C), Manzi Thierry, Mugabo Gabriel, Munezero Fiston, Dominique Savio Nshuti, Niyonzima Seif, Mugheni Fabrice, Kwizera Pierrot, Nova Bayama, Djabel Manishimwe, Moussa Camara.

LEAVE A REPLY

Please enter your comment!
Please enter your name here