Umuhanzi Niyorick n’ingamba nshya

0
474

Niyonsenga Erick benshi bamenye ku izina ry’ubuhanzi rya Niyorick ni umwe mu bahanzi u Rwanda rufite bashoboye ndetse bakunzwe n’imbaga y’abantu batari bake bitewe n’indirimbo ze zikora ku mitima ya benshi.

Umuhanzi Niyorick
Umuhanzi Niyorick benshi bamenye mu ndirimbo Urutoki



Niyorick benshi bamumenya mu ndirimbo nka Urutoki, Uramfite, Byemere n’izindi nyinshi, mu kiganiro na Touchrwanda yatubwiye byinshi ku bikorwa ateganya mu minsi iri imbere nyuma y’ibikorwa birimo gufasha no kuririmba aherutse gukora mu gihe byo kwibuka ku nshuro ya 23 Jenoside yakorewe abatutsi muwi 1994.

Umuhanzi Niyorick na Producer Evydecks
Niyorick arimo gukorerwa ibihangano bye na Producer Evydecks, bose bakorera muri Touch Entertainment

Muri iki gihe abanyarwanda bari bamazemo igihe kingana n’icyumweru bibuka ku nshuro ya 23 Jenoside yakorewe abatutsi muwi 1994, Niyorick yakoze ibikorwa bitandukanye birimo nk’indirimbo yitwa Icyizere yaririmbanye n’abahanzi babarizwa muri Touch Entertainment aribo Eesam, Manzi na Lanie, si ibyo gusa kandi kuko yanubakiye umukecuru w’inshike warokotse jenoside mu karere ka Huye nabwo afatanyije n’abahanzi bagenzi be.



Umuhanzi Niyorick nawe yari ahari
Niyorick mu gihe cyo kwibuka, yubakiye inzu umukecuru warokotse jenoside.

Nyuma yo kuva muri ibyo bikorwa binyuranye, Niyorick yaganiriye n’umunyamakuru wa Touchrwanda maze atubwira ko ahishiye byinshi abakunzi be, harimo nko gukora ibitaramo bikomeye no gushyira hanze indirimbo nshyashya yakoze.

Yagize ati “Ubungubu abakunzi banjye banyitege kuko ngiye kubashimisha mu buryo budasanzwe, mubyo mbahishiye harimo indirimbo z’amajwi eshatu(Audio) muri izo, imwe ijyanye n’umuco, indi ikaba ijyanye n’ubuzima bw’isi, indi ikaba ari iy’urukundo ikoze mu buryo bugezweho(New Skul), uretse ibyo kandi mfite n’amashusho nzashyira hanze.”

Umuhanzi Niyorick
Niyorick arasaba abakunzi be gukomeza kumushyigikira.

Yasoje yibutsa abakunzi be gukomeza kumushyigikira mu bikorwa bye kuko bizatuma muzika ye ikomeza kugera ku rwego rushimishije



Kanda hano urebe Uramfite ya Niyorick irimo kubica bigacika hirya no hino mu Rwanda 

Leave a Reply