Umukobwa w’inshuti yanjye namufashe ari kunca inyuma, nkore iki?

0
1184

Umukunzi wa Touchrwanda yaratwandikiye kugirango tumugire inama kubw’ikibazo gikomeye afite, iyumvire ubuhamya bwe maze umugire inama.

Ndi umukobwa w’imyaka 20, nkaba ndi umukunzi w’ikinyamakuru Touchrwanda.com, ndifuza inama zanyu kubera ikibazo mperutse guhura nacyo nkaba nabuze uko nkwitwaramo.

Mu gace dutuyemo mpafite umukunzi, rimwe mu rugo habaye ikirori ntumira abakobwa b’inshuti zanjye ndetse mpamagara nuwo mukunzi wanjye nawe aza kwifatanya natwe, akihagera nabonye abakobwa bagenzi banjye bamureba icyoroshye ariko ndabyihorera sinabigira impamvu, yewe nkajya nshishamo nkanabasigana ubundi nkagaruka tugakomeza ibiganiro.

Ikirori kirangiye nakomeje kubona umusore yakundanye nabo bakobwa b’inshuti zanjye ndetse bahana na nimero za telefoni, gusa sinabiha agaciro cyane dukomeza gukundana, ariko nkajya mbona ntago ari kumpa umwanya uhagije.

Mu cyumweru gishize nagiye kumusura atabizi(Mutunguye), mpageze numva ari kumwe nundi muntu mu nzu ye, nkomanze nza gufungurirwa numwe mu bakobwa b’inshuti zanjye, nyamusore we agira ikimwaro cyo kuza kundeba, mpita nsubira inyuma nditahira.

None umusore arimo kunsaba imbabazi ngo twongere dukundane ntago azongera gukora amakosa yakoze, nabuze icyo nkora ndagira ngo mungire inama!

Wifuza kugirwa inama watwandikira kuri Email yacu ariyo:

Touchrwanda2014@gmail.com

Leave a Reply