Uwishe Iribagiza mu cyunamo atangaza ko yafashwe ataragera ku mugambi we wo kwica abantu 1000

0
2087

Polisi y’u Rwanda yerekanye abantu bane bakurikiranyweho kugira uruhare mu kwambura ubuzima abantu batandukanye mu mujyi wa Kigali barimo umugore witwa Iribagiza Christine wiciwe iwe mu Karere ka Kicukiro.

Iperereza ryakozwe nyuma y’urupfu rw’uyu mugore n’umuzamu warindaga iduka ry’ibikoresho bya ‘electronique’ i Gacuriro ryagaragaje ko abantu bane barimo abagabo batatu n’umugore umwe babigizemo uruhare.

Aba bombi kandi bakekwaho gukomeretsa umuzamu wa Iribagiza Christine. Bagaragajwe kuri uyu wa Gatandatu tariki ya 29 Mata 2017, bose bafatiwe mu mujyi wa Kigali.

Uyu mugore ngo yifashishwaga mu rwego rwo kujijisha abo bagiye kwiba kuko ngo abagore badapfa gukekwaho ubujura, mu gihe umumotari urimo yatemberezaga uwitwa Mujyambere Umujyi wa Kigali ari we ubimusabye kuko ngo afungurwa yasanze warahindutse.

Uyu Majyambere Bertin ni nawe wabwiye itangazamakuru ko ari we wishe Iribagiza n’umuzamu w’i Gacuriro afatanyije n’umwe witwa Hatungineza Hassan na we ubyiyemerera akaba ngo yarigeze no kumubera umukozi.

Aba bagabo uko ari babiri bavuga ko bamenyaniye muri Gereza ya Kimironko ndetse akaba ari ho bateguriye umugambi mubisha wo kuzica Iribagiza.

Mujyambere ngo yari yarafunzwe nyuma yo kwica murumuna we agakatirwa igifungo cy’imyaka 10, akaba yarishe Iribagiza nyuma y’iminsi ine afunguwe.

Yavuze ko yishe abo bantu kubera ko ubwo yafungurwaga yasanze inzu ye yarigaruriwe n’abandi bantu ndetse anemeza ko yari afite gahunda yo kuzica abantu bagera ku 1000.

Mujyambere kandi yakomeje avuga ko muri gahunda ye hari undi muntu yagombaga kwica uyu munsi.

Asobanura uburyo yishe Iribagiza yagize ati “ Nari narabwiye umuzamu we ko nshaka kuzatwara Benz iba hariya, musaba ko yazabimfashamo nkamuha miliyoni 10 noneho nibwo naje kujyayo arankingurira; musaba ko abyutsa nyirabuja kugira ngo ampe urufunguzo rw’imodoka, aje mbona azanye ibintu byo kunsakuriza njya kumwica(umuzamu).

 Majyambere Bertin
Majyambere Bertin aganira n’itangazamakuru yiyemerera ko ari we wishe Iribagiza Christine

Yakomeje avuga ko yahise agaruka yica Iribagiza amunigishije ishuka.

Umuvugizi wa Polisi y’u Rwanda ACP Theos Badege we yavuze ko aba bantu bakurikiranyweho ibyaha bitatu birimo icy’ubwicanyi no kurema imitwe y’ubugizi bwa nabi ndetse anemeza ko nibahamwa n’icyaha bazahabwa igihano cya burundu y’umwihariko.

Yagize ati “Iyo urebye nk’ibyaha byakozwe wabishyira mu byiciro bitatu, icya mbere n’icy’ubwicanyi, kurema umutwe w’abagizi ba nabi n’ubujura bukoresheje ingufu. Iyo ubuteranyije igihano cy’icyaha cya mbere ni cyo kiremereye cyo gufungwa burundu gishobora no kujya kuri burundu y’umwihariko kuko ari insubiracyaha.”

ACP Badege yavuze ko aba bagabo bakunze kwiba kwiba bitwaje abagore kugira ngo abantu badapfa guhita babavumbura.

Mujyambere wemera ko yishe aba bantu yabwiye itangazamakuru ko yigeze kugira ikibazo cy’indwara yo mu mutwe akajya kuvurirwa indera, akaba ngo yaranabivuze ubwo yicaga murumuna we.

Leave a Reply