Zimbabwe: Indi ntera mu kugerageza kurwanya Perezida Mugabe

0
1007

Kuri uyu wa Kane taliki ya 20 Mata 2017, babiri mu bari bazwiho kurwanya Perezida wa Zimbabwe Robert Mugabe bemeranyije gushyira ingufu hamwe mu kugerageza ku murwanya.

Perezida Robert Mugabe

Morgan Tsvangirai uzwiho kuva kera kutavuga rumwe na Perezida Mugabe, ndetse na Joice Mujuru, wahoze ari umwungiriza wa Mugabe kugeza ubwo yirukanwe kuri uwo mwanya no mu ishyaka Zanu-PF riri ku butegetsi, batangaje ko bazakorana mu matora y’umukuru w’igihugu ateganyijwe umwaka utaha wa 2018.

Kugeza ubu ariko bikaba bitarasobanuka muri abo bombi uzafata umwanya wo guhangana na Mugabe mu kwiyamamariza kuba Perezida.

Perezida Mugabe, kuri ubu ugejeje ku myaka 93 y’ubukuru, ari ku butegetsi kuva zimbabwe yabona ubwigenge mu mwaka wa 1980, akaba yaratangaje ko azongera Kwiyamamariza gukomeza kuyobora imbabwe.

Bwana Tsvangirai  yabwiye itagazamakuru ko uku kwishyira hamwe kw’aba bayobozi bombi (Morgan Tsvangirai na Joice Mujuru) bikaba bivugwa ko ari intagiriro mu gushyiraho ubufatanye busesuye mu kugerageza guhangana na Zanu-PF guhera ubu kugeza amatora abaye umwaka utaha.

Morgan Tsvangirai na Joice Mujuru

Uku kwishyira hamwe kandi ngo ni intambwe ya mbere mu kunga abatavuga rumwe n’ishyaka riri ku butegetsi bose, biramutse bibahiriye akaba azaba ari ubwambere Perezida Mugabe ahuye n’abatavuga rumwe nawe biyunze kuva yajya ku butegetsi mu mwaka wa 1980.

Biteganyijwe ko amashyaka agera kuri 12 azaba yishyize hamwe kugeza mu gihe cy’amatora.

Nyakubahwa Mugabe we akaba atangaza ko atazigera abuzwa ibitotsi n’uku kwishyira hamwe kw’amashyaka amurwanya ku butegetsi.

Leave a Reply