Donald Trump mu ruzinduko rwa mbere muru Arabiya Sawudite

0
378

Trump na King SalmanTrump n’umufasha we Melania batangiriye uruzinduko muri Arabiya Sawudite mu ruzinduko rwa mbere agiriye hanze n’ubwo asize iwe mu gihugu cye cya Leta Zunze Ubumwe za Amerika ibibazo ari byose.

 

Muri uru ruzinduko ruzamara iminsi umunani yose, azasura ibihugu bya Israheli, intara za Palestine, Ububirigi, Vaticani ndetse na Sicily. Kuri uyu mugoroba Trump akaba arasinya masezerano y’ubufantanye n’igihugu cya Arabiya Sawudite, amasezerano ahwanye n’ama miliyari y’amadolari ya Amerika.

Trump muri Saudi Arabia

Uru ruzinduko kandi ruje mu gihe bwana Trump atamerewe neza muri Amerika, nyuma y’aho afatiye icyemezo cyo kwirukana umuyobozi mukuru w’ibiro by’ubutasi (FBI) James Comey.

Bwana Trump n’umufasha we Melania baherekejwe kandi n’umukobwa we  Ivanka, umujyanama udahembwa muri White House ndetse n’umugabo we Jared Kushner, umwe mu bagabo bakomeye bagize ubutegetsi bwa Trump, bakiriwe mu murwa mukuru wa Arabiya Sawudite Riyadh n’umwami Salman mu gihe cya gitondo aho muri Saudi Arabia.

Muri uru ruzinduko kandi, Bwana Trump ngo ntazakora nka Barack Obama yasimbuye, kuko ngo atazagira icyo avuga ku byerekeranye n’uburenganzira bw’ikiremwa muntu.

Trump ahabwa umudali

Umwami Salman akaba yashimiye Trump cyane abinyujije ku rubuga nkoranyambaga rwa Twitter, aguga ko yizera ko uru ruzinduko ruzashimangira kandi rugakomeza ubufatanye bw’ibihugu byombi, nyuma aza no guha perezida Trump umudali wambere ukomeye wa gisivile aho muri Arabiya Sawudite witwa ” The King Abdulaziz medal”.

DUKURIKIRE KURI: INSTAGRAM         DUKURIKIRE KURI: G+
DUKURIKIRE KURI: TWITTER              DUKURIKIRE UBONE VIDEO ZIGEZWEHO

Leave a Reply