Dore impamvu Whatsapp yanze gukora

1
8420

Urubuga rwa Whatsapp rwateje impagarara hirya no hino ku isi nyuma yo kumara amasaha menshi rwanze gukora, maze abarukoresha bikababera ihurizo rikomeye.

Ibi byatangiye ku mugoroba wo kuri uyu wa gatatu tariki ya 17 Gicurasi 2017, aho hirya no hino ku isi Whatsapp yanze gukora neza neza, k’uburyo umuntu atabashaga kwakira ubutumwa cyangwa se ngo abwohereze ndetse hari nabo yangaga gufunguka.

Dore impamvu Whatsapp yanze gukora

Abantu bagera kuri miliyari imwe ku isi baremeza neza ko iki kibazo cyababayeho, k’uburyo batabasha kwakira cyangwa kohereza ubutumwa ku nshuti zabo, ibi bikaba bisa nk’ikindi kibazo giherutse kuba mu byumweru bibiri bishize aho nabwo Whatsapp yahagaze ikanga gukora.

Urubuga rugenzura sosiyete zikora mu bijyanye no kohererezanya ubutumwa rwa Down Detector rwatangaje ko mu bagaragaje ikibazo, abagera kuri 56%, bari bafite icyo kutabona connection, naho 32% ntibashoboraga kubona ubutumwa.

Bamwe mu bayobozi bakuru ba Facebook ari nabo baguze Whatsapp basobanuye ko ibi byatewe no kuba hari impinduka zitandukanye bari gushyira muri Whatsapp kugira ngo birinde abazabinjirira bityo bakaba bihanganishije buri umwe wagize ikibazo cyo kuba Whatsapp ye yanze gukora neza.

Komisiyo Ngenzuramikorere y’Umuryango w’Ubumwe bw’u Burayi (EU), kuri uyu wa Kane yaciye Facebook akayabo ka miliyoni 110 z’amayero, kubera amakuru y’ibinyoma yatanze ubwo yaguraga urubuga nkoranyambaga ruzwi cyane mu guhuza abakoresha telefoni zigezweho, WhatsApp mu 2014.

DUKURIKIRE KURI: INSTAGRAM         DUKURIKIRE KURI: G+
DUKURIKIRE KURI: TWITTER              DUKURIKIRE UBONE VIDEO ZIGEZWEHO

1 COMMENT

Leave a Reply