Dore uburyo 8 wamenya umusore utarekura ku munsi wa mbere musohokanye

0
2606

stingy guy on a dateWowe nkumi, niba ukundanye n’umusore, wifuza kujya mu rukundo nawe, cyangwa we ashaka ko mukundana, noneho umunsi umwe agashaka ko mwasohokana, urabe maso.  Dore ibintu 8 uzitegereza kuri uwo munsi bizagufasha kumenya niba uwo musore ari igisambo cy’ibintu, atarekura ku munsi wa mbere muzasohokana, cyane cyane nubona 2, 4, 5 ndetse 8 muri ibyo bimenyetso.



  1. Azatumiza ifunguro rihendutse kurusha ayandi mafunguro

Abasore bamwe na bamwe barifunga cyane ntibarekure, kugeza n’aho mbere yuko batumiza icupa ry’amazi ku mukobwa basohokanye babanza kubitekerezaho cyane, ndetse bakaba banakongorera umukobwa basohokanye niba bitaba byiza kugura ayo mazi cyagwa ikindi kinyobwa ahandi haba hahendutse bagira bati: ” Ntubona ko bihenze hano”.

Ikibabaje kandi nuko abasore nk’abo aribo bagenda birata ko bakoresheje amafaranga menshi basohokanye umukunzi mu kariro gahenze cyane.

2. Azagusaba imibonano mpuzabitsina kubera ibyo yagutanzeho mwasohokanye

Igikorwa kigayitse cyane kwitwara muri ubwo buryo, umusore wabyitwaza yagakwiye kwamaganirirwa kure. Kubera ko uguriye umukobwa ifunguro ku munsi wa mbere musohokanye, ryaba ridahenze cyangwa rihenze, ntibiguhesha uburenganzira bwo kuba wamusaba icyo wifuza icyo aricyo cyose. Ntibivuga ko umukobwa yaguha umubiri we kuri iyo mpamvu, naho ubundi musore, waba ukeneye Yesu mu buzima bwawe.

3. Azakujyana mu kariro ko hafi y’iwe mu rugo 

Wakwibaza impamvu umusore yasohokana umukunzi bwa mbere akamujyana mu kariro kadashyitse, kadasobanutse ngo nukubera ko gahendutse kandi kagatanga byinshi, kenshi na kenshi bitanateguye neza. Kuri we azumva ko yakoze kandi yagushimishije. ariko se mukobwa, mu gihe tugezemo ubu, wowe ibyo wabyemera? Umusore nk’uwo wamufata ute?



4. Azashaka ko mugabana fagitire

Umusore w’igisambo, utarekura, niwe  uzasaba ko mwagabana fagitire ku munsi wambere muzaba mwasohokanye. Iki ni igikorwa cyo gukunda ifaranga bivanze no kutiyubaha. Ku bwanjye numva nta mukobwa, mu bitekerezo no mu burenganzira bwe, wagakundanye n’umusore nk’uwo, keretse nta yandi mahitamo afite.

5. Azitotomba cyane uramutse utumije ifunguro rihenze

Biratangaje cyane kubona umusore wasohokanye inkumi bwa mbere, tuvuge iyo nkumi itumije ikirahure cya divayi, ndetse anatse umuceli n’inkoko, noneho ukabona umusore ahinduye isura ako kanya. kuri we ashaka ko iyo nkumi yagatumije icupa rya fanta, umuceli n’ibishyimbo hahaa. Nta no kwirarira ngo yihagarareho?

6. Ntazigera atumiza icyo kurya

Kimwe mu biranga cyane umusore utarekura ku munsi wa mbere yasohokanye inkumi ni iki. Azagerageza kukumvisha ko adashonje, ko adakeneye gufungura, ariko mu gihe umokobwa basohokanya azaba yatangiye ifunguro rye, umusore azaba ari kumira amazi nk’inka yageze ku kibumbiro. Ninde uba ari kubeshya undi? Icyo azakora ni ukugushora mu biganiro bidafite icyo bimaze, yizera ko wenda yaza kugutahana akagera kubyo yifuza.

7. Azashakisha impamvu yo kugusiga kugirango atishyura byose

Ibi byakwibutsa nk’ukuntu umusore yagusiga kuri arete ya kwasiteri, kubera kudashaka kukwishyurira itike igusubiza mu rugo, nubwo waba wamubwiye ko atari ngombwa ko ubikowa wifitiye ayawe yo kwishyura.  Bamwe mu basore babikora bibwira ko ari abanyabwenge, ariko mu byukuri ntibirebetse neza ku musore wiyubaha.

8. Azakubwira ko mugomba kujya iwe ko nta handi yakujyana

Ikindi kiranga cyane umusore utarekura, nuko buri gihe azashaka ko umukobwa amusanga iwe mu rugo nta handi cyangwa umukobwa akabyibagirwa. Ibi ni ukubera ko uwo musore adashaka gutakaza irindi faranga. Ni murugo cyangwa ubyihorere.

DUKURIKIRE KURI: INSTAGRAM         DUKURIKIRE KURI: G+
DUKURIKIRE KURI: TWITTER              DUKURIKIRE UBONE VIDEO ZIGEZWEHO 



Leave a Reply