Huye abanyeshuri ba kaminuza bariye ifunguro rihumanyije

0
1876

Abanyeshuri biga muri Kaminuza y’u Rwanda ishami rya Huye bagera kuri 12 bajyanywe kwa muganga igitaraganya bazira ifunguro bariye ku mugoroba wo kuri uyu wa Kabiri.

Ubwo bari bamaze gufata ifunguro ry’umugoroba kuri uyu wa Kabiri tariki ya 9 Gicurasi, mu masaha y’manywa y’undi munsi nibwo hatangiye kugaragara ibimenyetso kuri aba banyeshuri bahise bihutishwa bajyanwa mu bitaro bikuru bya Kaminuza biherereye muri Huye CHUB.

Aba banyeshuri bajyanwe kwa muganga bagera kuri 12 bakaba baragaragazaga ibimenyetso byo gucibwamo, baribwa mu nda umutwe no gutitira.

Umwe mu baganga babakiriye yatangaje ko basanze bafite ikibazo cyo kurya ibiryo byanduye bityo bakaba bari gukurikiranwa. Ibitaro bivuga ko byakiriye abanyeshuri 12 ubu hasigaye batanu barembye cyane abandi barindwi bari kuvurwa bataha.

Leave a Reply