Icyamamare muri sinema Morgan Freeman ari i Kigali

1
612

Morgan Freeman, umukinnyi w’icyamamare ku isi kandi wubatse amateka muri Sinema ari I Kigali mu ruzinduko rwagizwe ibanga ku buryo n’itangazamakuru ryabimenye yahageze.

Morgan Freeman In Kigali

Morgan Freeman yasesekaye I Kigali kuwa kane tariki ya 11 Gicurasi 2017, aherekejwe n’ikipe y’abantu bane. Kuri uyu wa gatanu 12 Gicurasi nibwo yasuye urwibutso rwa Jenoside yakorewe abatutsi muri Mata 1994 ruherereye ku Gisozi.

Morgan Freeman uzuzuza imyaka 80 uyu mwaka muri kamena, ni umukinnyi wa filime ubirambyemoakaba anubashywe cyane muri Leta Zunze Ubumwe za Amerika kubera ibikorwabyinshi bya sinema yagarayemo, hakaba n’izindi nyinshi yayoboye zigakundwa cyane.

Bikaba bivugwa ko bimwe mu byazanye iki cyamamare Morgan Freeman harimo no guhura n’umugandekazi Jackline Nabagesera Kasha, uzwi cyane mu kuvuganira abatinganyi baho mu Bugande abinyujije mu kigo yise FARUG.

Jackline Nabagesera Kasha

Polisi y’u Rwanda yo ikaba mu itangazo yashyize ku rukuta rwayo rwa Twitter, itangaza ko yabaye itaye muri yombi uyu Jackline Kasha bivugwako yari bubonane na Morgan Freeman ubwo yageraga ku kibuga cy’indege I Kanombe, azira ubusinzi n’imyitwarire idahwitse.

Tubibutse ko Morgan Freeman, icyamamare mpuzamahanga azwi cyane mu ma filime nka Glory (1989), Robin Hood: Prince of Thieves (1991), The Shawshank Redemption (1994), Seven (1995), Deep Impact (1998), The Sum of All Fears (2002), Bruce Almighty (2003), The Dark Knight Trilogy (2005–2012), Invictus (2009), The Lego Movie (2014), Lucy (2014) ndetse n’izindi nyinshi cyane kandi akaba yarahawe ibihembo byinshi bitandukanye muri uyu mwuga we wo gukina no kuyobora am filime.

1 COMMENT

Leave a Reply