Mu mafoto, dore uko igitaramo cya Guma Guma cyagenze i Huye

3
1437

Kuri uyu wa gatandatu tariki ya 20 Gicurasi 2017, mu karere ka Huye habereye igitaramo cya mbere cy’irushanwa rya Primus Guma Guma Super Star iri kuba ku nshuro yayo ya karindwi.

 

Muri uyu mwaka abahanzi bahatanye ni Christopher , Social Mula, Dream Boys, Active, Queen Cha, Paccy Oda, Danny Nanone, Bull Dogg, Mico The Best, Davis D, ndetse iri rushanwa rikaba rizaca mu ntara eshanu z’igihugu.

Ku munsi w’ejo hashize tariki ya 19 Gicurasi, abahanzi bose uko ari 10 baraye mu karere ka Huye kugirango barusheho gutegura neza ibyo bazakorera abakunzi babo.

Uko byifashe

MC Buryohe na Kate Gustave babanje gushyushya abafana mu buryo bwo kubyina ndetse no gutomboza abafite impano bakaza bakiyerekana, ari nako bamurika abagize akanama nkemurampaka.

Abahanzi batangiye kuririmba

  1. SOCIAL MULA

Social Mulla niwe muhanzi ubanje ku rubyiniriro akaba yinjiriye mu ndirimbo ye Amahitamo maze abakunzi be bamukomera amashyi y’urufaya, akurikijeho Umuturanyi, akaba aherekejwe n’ababinnyi basanzwe bamubyinira mu mashusho y’indirimbo ze.

2. BULLDOG

Umuraperi BullDog niwe uje ku rubyiniriro ku nshuro ya kabiri, maze abakunzi ba Hip Hop bose barasimbuka bajya ibicu, yaririmbye indirimbo ze nka Kaza Roho, Imfubyi na Cinema, akaba aherekejwe n’umusore w’inshuti ye bita Doudou.

Bulldog arimo gusaba abakunzi be kumushyigikira kugirango azabashe kwegukana igikombe cy’irushanwa rya PGGSS7.

3. DANNY NANONE

Umuraperi Danny Nanone niwe muhanzi winjiye ku rubyiniriro ku nshuro ya gatatu akaba arimo kugenga ashyushya abafana be.

Yinjiriye mu ndirimbo ye yitwa Njye Ndarapa akurikizaho iyitwa Ikirori

4. CHRISTOPHER

Umuhanzi Muneza Chrsitophe niwe uje ku rubyiniriro ku nshuro ya kane, yinjiriye mu ndirimbo ye Ijuru rito, akurikizaho Uwo munsi asoreza mu ndirimbo yitwa Agatima.

Abakunzi be bamweretse urukundo rudasanzwe, maze bamufasha kuririmbana nawe indirimbo ze zose.

5. ACTIVE

Itsinda rya Active niryo ryakurikiye Christopher maze binjirira mu mbyino bafatanyije n’ababyinnyi bari bateguye, hanyuma banaririmba indirimbo zabo arizo Final na Pole Pole.

6. DREAM BOYZ

Itsinda rya Dream Boyz rizwi ku izina rya “Indatwa” rinjiranye n’ababyinnyi barabanza barawuceka, hanyuma batangirira ku ndirimbo yabo 70.

Banyujijemo indirimbo yabo baririmbye mu myaka ya kera bafatanyije na Jay Polly yitwa Mumutashye maze abanya Butare babakurira ingofero, basoreje mu ndirimbo yitwa Bucece iherekejwe n’imbyino nyinshi.

7. DAVIS D

Umuhanzi Davis D uje muri iri rushanwa ku nshuro ye ya mbere, niwe waje ku rubyiniriro ku nshuro ya munani, akaba yaririmbye indirimboze nka Biryogo, na Malia Kaliza.

8. QUEEN CHA

Umukobwa wa mbere ugeze ku rubyiniriro ni Yvonne benshi bazi ku izina rya Queen Cha, akaba yinjiriye mu ndirimbo yakoranye na mubyara we Safi Madiba yitwa Kizimyamwoto, akurikizaho Umwe rukumbi.

9. MICO THE BEST

Umuhanzi Mico Prosper uzwi ku izina rya Mico The Best niwe ubanjirije umuhanzi wa Nyuma airwe Oda Paccy, maze abaturage bi Huye ari naho uyu musore avuka bamwereka ko bamushyigikiye cyane, nawe abaririmbira indirimbo ze zirimo Umugati, Indahiro

Mico The Best ku rubyiniro

10. ODA PACCY

Umuhanzikazi Oda Paccy niwe muririmbyi uje nyuma y’abandi bose, akaba yinjiriye mu ndirimbo ye ya kera yitwa Ese Nzapfa, akanyamuneza ni kose ku bakunzi be.

Oda acishijemo aririmba indirimbo ye nshyashya aherutse gukorera mu gihugu cya Tanzania yitwa Nobody, maze asohokera mu ndirimbo ye yitwa Umusirimu.

Oda Paccy ku rubyiniro

NYUMA YO KURIRIMBA, IKIGO CYA BRALIRWA GITANZE IMODOKA K’UMUNYAMAHIRWE WAYITSINDIYE MURI GAHUNDA BISE BAKONGERE

Abahanzi bose uko ari 10, barimo kuririmbana indirimbo bakoranye hamwe yitwa Tujye Ibicu, abafana bose bahimbawe bari kwifatanya n’abahanzi kujya mu bicu.

DUKURIKIRE KURI: INSTAGRAM         DUKURIKIRE KURI: G+
DUKURIKIRE KURI: TWITTER              DUKURIKIRE UBONE VIDEO ZIGEZWEHO

Leave a Reply