Rwanda Movie Awards 2017: Abazahatanira ibihembo bamenyekanye

2
1518

Ku nshuro ya gatandatu, Ishusho Art itegura igikorwa cyo guhemba abakinnyi ba film Nyarwanda (Rwanda Movie Awards) bitwaye neza yamaze gushyira hanze urutonde rw’ abazatoranywamo umukinnyi mwiza w’ umwaka wa 2017 mu bagabo 10 ndetse no mu bakobwa 10.

Rwanda Movie Awards
Bamwe mu batsindiye ibihembo bya Rwanda Movie Awards umwaka ushize

Iki kigo cya Ishusho Art kikaba kimaze kumenyerwa cyane mu gutegura iki igikorwa cya Rwanda Movie Awards.  None cyatangaje gahunda y’uyu mwaka, ari nabwo berekanaga urutonde rw’ abakinnyi 20 bazatoranywa mo abazashobora kwegukana ibihembo.

Ubwo hashyirwaga hanze urwo rutonde, abayobozi ba Rwanda Movie Awards banaboneyeho gutangaza ko iki gikorwa kizabanzirizwa na Movie Week mu buryo bwo kwegereza no guhuza  abakunzi ba filime nyarwanda n’abakinnyi bazo, ibi bikazakorwa mu cyumweru kimwe.

Abayobozi ba Rwanda Movie Awards
Abayobozi ba Rwanda Movie Awards

Movie Week ikaba izatangira ku italiki 3, ikazahera mu mujyi wa Kigali n’ I Nyamata, nyuma yaho igakomereza i Muzanze ku italiki 10 Kamena, naho ku italiki ya 11 Kamena berekeze mu karere ka Rubavu maze basoreze mu karere ka Gisagara na Huye ku ma taliki ya 17 na 18 Kamena. Iki gikorwa ahanini ngo kizibanda mu rubyiruko no mu bigo by’ amashuri.

Umunsi nyirizina wo gutangirwaho ibihembo bya Rwanda Movie Awards ku nshuro ya 6 akaba ari ku italiki ya 25 Kamena 2017.

Urutonde rw’abakinnyi 20 batoranyijwe na filime bamenyekaniyemo uko ruteye:

Mu cyiciro cy’Abagabo:

  1. Ntakirutimana Ibrahim: Seburikoko

2. Habiyakare Muniru: Benshi bazi muri filime Urugamba nka Kamanzi cyangwa

3. Erneste: Benshi bamuzi nka Rurinda muri Seburikoko

4. Mugisha Emmanuel: Benshi bamuzi nka Kibonke muri Seburikoko

5. Kamanzi Didier: Uzwi nka Rugamba mu Urugamba, ubu akaba akina no muri City Maid

6. Niyitegeka Gratien: Benshi bamuzi nka Sebu muri Seburikoko

7. Ndayizeye Emmanuel: Benshi bamuzi nka Nick muri City Maid

8. Gakwaya Celestin: Uzwi nka Nkaka, akina muri filime y’uruhererekane Sakabaka

9. Daniel Gaga: Benshi bamuzi nka Ngenzi muri filime Ubugome, Urwobo rubi n’izindi

10. Irunga Longin: Yakinnye muri filime Urwobo rubi ndetse no muri City Maid.

Mu cyiciro cy’Abagore

  1. Kirenga Saphine: Azwi muri Seburikoko, Urugamba n’izindi

2. Mukasekuru Fabiora: Yakinnye mu Rwobo rubi, Ubugome n’izindi

3. Mutoni Assia: Uzwi muri City Maid nka Chouchou ndetse no muri Seburikoko

4. Uwamwezi Nadege: Benshi bamuzi muri City Maid nka Nana

5. Uwamahoro Antoinette: Benshi bamuzi muri Seburikoko nka Siperansiya

6. Musanase Laura: Benshi bamuzi muri City Maid nka Nikuze

7. Umuganwa Sarah:Benshi bamuzi muri Seburikoko nka Mutoni

8. Mukeshimana Anne Marie: Azwi muri filime Virunga School

9. Uwineza Nicole: Benshi bamuzi muri City Maid nka Mama Beni

10. Munezero Aline: Yakinnye muri City Maid n’izindi filime zitandukanye

DUKURIKIRE KURI: INSTAGRAM         DUKURIKIRE KURI: G+
DUKURIKIRE KURI: TWITTER              DUKURIKIRE UBONE VIDEO ZIGEZWEHO

Leave a Reply