Trump ati: “Bizaba ari ibya agaciro guhura na Kim Jong Un”

0
1484

Perezida wa Leta zunze ubumwe z’Amerika Donald Trump kuri uyu wa mbere yitangarije ko yifuza guhura n’umutegetsi w’icyubahiro uzwi nk’umunyagitugu w’igihugu cya Koreya y’Amajyaruguru gusa ariko bagahura mu buryo bwiza hari ibyabanje gutunganwa.

Image result for trump kim jong un quote

Igihugu cya Koreya y’Amajyaruguru gikomeje kotsa igitutu ibindi bihugu bizwiho ko ari ibinyabubasha kubera igerageza bakorera ibisasu byabo ndetse n’ikorwa ry’ibisasu kirimbuzi, muri iyi minsi ishize Amerika ikaba yari yatangiye gushyiramo imbaraga z’umurengera mu guhagarika iki gihugu gukomeza ubushotoranyi dore ko hari bamwe bari batangiye kubibona mu mboni y’Intambara y’Isi ya gatatu iri gututumba.

Mu kiganiro Perezida wa Amerika yagiranye n’igitangazamakuru cya Bloomberg News yatangaje agira ati: “Bizaba ari iby’agaciro  kubikora gusa ariko binyuze mu nzira nziza, gusa nanone ibyo bishoboka binyuze mu mucyo.”

Leta zunze ubumwe z’Amerika nta Perezida n’umwe wari ukiri ku mirimo ye wigeze ahura n’umukuru w’igihugu cya Koreya y’Amajyaruguru ndetse iyi mvugo ya Trump ikaba itahise yakirwa kimwe.

Umuvugizi wa White House Sean Spicer akaba yatangaje nyuma y’iki kiganiro cya Trump ko Leta zunze Ubumwe z’Amerika ziteguye kwicarana kumeza amwe na Koreya y’Amajyaruguru mu gihe cyose iki gihugu kizaba hari impinduka mu myitwarire kigomba kugaragara bakareka gutsimbarara mu guteza umutekano mucye mu bihugu by’ibituranyi.

Trump asanga Kim Jong Un ari umwe mu bayobozi beza bariho kandi batsimbarara ku migambi yabo badakwiye gukinishwa, ubwo yari akiri mu bikorwa byo kwiyamamaza yagize ati: “Ni bande mu rubyiruko bari gukora ibintu nk’ibye, yagiye kuri uriya mwanya (Perezida) afite imyaka 26, ndetse atangira kwigizayo bamwe mu basirikare bakuru b’ibikomerezwa benshi batekerezaga ko atazabasha kubigeraho ariko yarabyerekanye ko abishoboye (kuyobora).

Yigijeyo nyirarume, yigizayo n’abandi batandukanye. uyu muhungu nta mikino na micye agira natwe rero nta mikino tugomba kumukinisha. Kubera ko afite ibitwaro ndetse n’ibisasu kirimbuzi.”

Leave a Reply