Mukobwa, umugabo niba akora ibi bintu 7 menya ko agukunda byimazeyo

0
6326

Ubusanzwe ku bakobwa, ntibakunze kugaragaza cyane ko bakunze cyangwa ngo babe bafata iya mbere mu kubihamya, ariko ku bahungu ni nk’uburenganzira dore ko ari nabo bafata iyambere basaba umukobwa ko babana, nubwo abakobwa batirekura ngo babe bahita babyemera ako kanya batabanje kubitekerezaho.

urukundo nya rukundo



Ku rundi ruhande abakobwa bakunda bahungu babakunda byimazeyo, akaba ari yo mpamvu, niba umusore mukundana akora ibi bikurikira, menya ko yagupfiriye.

1. Abaza mbere yo kugira icyo akora

Umugabo ugukunda ntazagenda ngo akore icyo ashaka cyose atabanje kukubaza icyo ubitekerezaho. Buri gihe azagerageza kukubaza mbere yuko yagira icyo yishoramo,  nubwo yaba abikeneye cyane kandi bimufitiye akamaro.

2. Yishimira ibyo ukora n’uburyo ubikoramo

Igihe cyose ashimishwa n’ibyo ukora kandi akubaha igihe bigutwara, akaba yashobora kwikorera ibyo akeneye nubwo byaba bisaba ubufasha bwawe. Arabyubaha ku buryo atapfa kukubwira ngo kora iki, ndetse rimwe na rimwe azagufasha mubyo ukora kandi utabimusabye, gusa bipfa kuba bitakubangamiye kandi ubyemera.

Niba yibuka amataliki amwe namwe yawe y’ingenzi kandi akabifatira igihe cyo kukubaza uko byifashe cyangwa niba biri kugenda neza, menya ko ufite umwanya wihariye kandi w’ingenzi mu mutima we.

3. Akora ibintu nta mikino

Niba agufasha mu bintu bikomeye bimutwara umwanya, cyangwa se akantu gato nawe wakwikorera bitakugoye kandi ntagende abyigamba, ni ukuvuga ko atabitindaho cyangwa ngo abitekerezeho cyane, ikimenyetso cy’urukundo ruhamye. Ashimishwa no kugufasha, icyangombwa nuko wishima.

4. Ukuri niyo si ye

Buri gihe aba mu kuri uko byagenda kose. Niba yumva ko ugomba kumenya ikintu, azakikubwira uko byagenda kose n’ingaruka iyo ariyo yose byatanga akaba yayemera. Bivuze ko yemera kandi ashima umubano mufitanye agakoresha uko ashoboye ngo uhore ari umwere. Kuri we agushyira imbere y’ibintu byose nawe ubwe.

5. Ntafata ibyemezo bimushimishije wenyine

Igihe cyose agerageza kugutekerezaho mbere yuko yagira icyo akora, ndetse rimwe na rimwe akaba yakora ibintu kubera ko ubikunze ariko we ataribyo ashaka.

6. Nta hishahisha no kwifata

Umugabo ugukunda ntahishira cyangwa ngo yifate kandi hari ikimuri ku mutima agomba kuvuga. ikibazo icyo ari cyo cyose azakikubwira kugirango mufatanye kugikemura, ntabwo azakibika burundu.

7. Ntakunda ko mwapfa utuntu tw’ubusa

Igihe cyose muzagirana ikibazo azaba ari ku kintu gikomeye cyane, ntakunze gutuma utuntu tudafatitse duhungabanya umubano, urukundo n’ibihe byiza muhorana, ibyo hejuru y’utuntu tw’ubusabusa.



LEAVE A REPLY

Please enter your comment!
Please enter your name here