Irinde gukora ibi bintu 3 niba ufashe umukunzi wawe aguca inyuma

0
2822

Gucana inyuma ku bakundana si byiza, ariko niba bikubayeho, wikwivuna cyangwa se ngo wisebye ukora amakosa abenshimu bakobwa bakora iyo bamenye ko umukunzi wabo abaca inyuma. Gumana icyubahiro cyawe, va muri urwo rukundo, ugende wemye, wishakire undi musore ugukunda kandi utagukorera ibyo umaze gukorerwa.

uca inyuma ahora aca inyuma



1. Gukora iperereza

Iyo umukobwa akeka ko umuhungu bakundanda yaba amuca inyuma, ikosa rya mbere akora ni ukwishora mu iperereza ryo gushakisha ibimenyetso simusiga byemeza ko acibwa inyuma. Iryo perereza, gusura utateguje ndetse no guhata ibibazo umukunzi wawe bigutwara infufu zitari zikenewe mu gushakisha gihamya y’ibyo usanzwe uzi, kuko umubano wanyu warangije kononekara.

2. Gushyira amakosa ku wundi mukobwa.

Kenshi na kenshi usanga abagore bacibwa inyuma bahita batekereza ko umugore wundi ari umuntu mubi, ari shitani kuba yaratekereje gutwara umugabo w’undi mugore. ariko iyo ubirebye ntabwo aribyo. Uwo mugore wundi si we wiyemeje kubana nawe no kukwiharira wenyine, si we wakwijeje ukuri none akaba yaguciye inyuma, kandi icyangombwa, niba atariwe n’uko hari undi bireba.

Ababtu bacana inyuma kubera ko n’ubusanzwe biba bibarimo, ntibabikora kubera ko babijyanywemo n’uwabateye kugira ubwo bushake bwo guca inyuma, nta gahato bashyizweho, ntabwo batanze ibyo udashoboye gutanga, ntabwo ari beza kukurusha. Ntukeneye kureshywa kugirango uce inyuma umukunzi wawe, nuko biba bikurimo kandi uwaciye inyuma azahora aca inyuma byanze bikunze. Reka gushyira amakosa ku wundi mugore ahubwo wibaze impamvu umugabo wawe abikora.

3. Guhinduka kugirango umugumane

Isomo rya mbere mu gushaka umukunzi, niba umusore azwiho gucana inyuma, ntukeneye kuba wamubera umukunzi cyangwa se niba mukundana, ntukeneye kumugumana. gucana inyuma ni igikorwa kidashobora kwihanwa nubwo yakwizeza inshuro magana na magana ko atazabisubira, nubwo wakora impinduka zishoboka zose kuri wowe kugirango umwereke ko agomba kukwitaho wowe wenyine.

Niba yarigeze kuguca inyuma, akabyongera, ni igihe cyo kwikura ukamwereka igihandure ukishakira undi, kuko uwabikoze azahora abikora. Ikindi kandi, ntabwo wigeze umtera kuba yaguca inyuma, kuba abikora si ukubera wowe, ahubwo ni ukubera ko adashoboye kwihangana no kubahiriza inshingano yiyemeje zo kubana n’umugore umwe. Aracyari umwana mu bitekerezo, ikibazo ni icye si wowe ubitera.



Leave a Reply