Red Rocks Rwanda yateguye ibikorwa byihariye ku munsi w’umuganura

0
307

Tariki ya mbere(01) Kanama buri mwaka mu Rwanda hizihizwa umunsi mukuru wo gusangira no kwishimira umusaruro w’imyaka yeze bakaba bawita Umunsi mukuru w’umuganura.

Uyu munsi abanyarwanda bawizihiza bahurira mu ngo z’abakungu n’ahandi hantu hahurira abantu benshi maze bagasangira ibyo kurya bakanywa n’amayoga.

Muri iki gihe umuganura usa n’uwibagiranye ndetse na benshi bakunze kuvuga ko batazi uyu munsi hari n’abadasobanukiwe ibyawo.

Ikigo cya RED ROCKS RWANDA gifasha ba mukerarugendo kumenya ibijyanye n’umuco nyarwanda cyateguye ibirori bizamara hafi ukwezi byo gushishikariza abaturage gusigasira umuco n’indangagaciro za Kinyarwanda harimo no kongera kwibutsa abanyarwanda byinshi ku munsi w’umuganura.

Ikigo cya RED ROCKS RWANDA gifasha ba mukerarugendo kumenya ibijyanye n’umuco nyarwanda
Ikigo cya RED ROCKS RWANDA gifasha ba mukerarugendo kumenya ibijyanye n’umuco nyarwanda

Ibi bikorwa bizatangizwa ku munsi mukuru w’umuganura nyirizina uzaba tariki ya mbere Kanama, aho bazafasha abaturage kongera ubumenyi ku muco nyarwanda barushaho no kubashishikariza gusigasira indangagaciro za Kinyarwanda.

Muri ibi bikorwa,hazabaho amarushanwa anyuranye, imikino ya kera, iserukiramico rya Kinyarwanda ndetse abazabyitabira bazajya bakirizwa amafunguro atunganyijwe mu buryo bwa Kinyarwanda, ndetse bigishwe n’uburyo bayatunganya.

Muri ibi bikorwa,hazabaho amarushanwa anyuranye, imikino ya kera n'ibindi byinshi
Muri ibi bikorwa,hazabaho amarushanwa anyuranye, imikino ya kera n’ibindi byinshi

Iki kigo cya RED ROCKS RWANDA giherereye i Nyakinama mu Karere ka Musanze mu Murenge wa Nkotsi, kikaba cyarashinzwe na Bakunzi Gregoire aho intego nyamukuru yari afite ari uburyo umuco nyarwanda wakwifashishwa mu kubyarira inyungu abanyarwanda.

Ba mukerarugendo benshi bakunda gusura ikigo RED ROCKS RWANDA kugira ngo birebere umuco nyarwanda
Ba mukerarugendo benshi bakunda gusura ikigo RED ROCKS RWANDA kugira ngo birebere umuco nyarwanda
Muri Red Rocks harangwa n'ibikoresho bya kinyarwanda byihariye
Muri Red Rocks harangwa n’ibikoresho bya kinyarwanda byihariye

Muri Red Rocks niho honyine mu Rwanda uzabasha kubona  inzu  zirimo ibikoresho bikozwe kinyarwanda mu biti by’imigano n’ibindi,ikanagira  amahema  ararwamo naba  mukerarugendo, ndetse bakaba bakunze gutaramira ku gicaniro mu masaha ya ni mugoroba, benshi mu bakerarugendo basura iki kigo usanga barimo kwigishwa imirimo ya Kinyarwanda irimo Kuboha ibiseke, Kubaza ibishushanyo binyuranye n’ibindi byinshi bitandukanye.

Kuboka ibikoresho bya Kinyarwanda ni kimwe mu bintu bigishwa ba mukerarugendo basura Red Rocks
Muri Red Rocks habayo amahema yo kuraramo
Bamukerarugendo basura iki kigo usanga barimo kwigishwa imirimo ya Kinyarwanda irimo Kuboha ibiseke,
Bamukerarugendo basura iki kigo usanga barimo kwigishwa imirimo ya Kinyarwanda irimo Kuboha

Bamwe muri ba mukerarugendo bageze muri Red Rocks usanga baguwe neza bitewe n’ibintu by’umwihariko biharangwa, cyane ko muri Red Rocks banagufasha kugutembereza muri parike y’ibirunga ukabasha kubona ibyiza nyaburanga birimo n’ingagi.

Leave a Reply