Menya byinshi kuri Mukamana utunzwe no guca imyeyo abagore (Gukuna)

0
1805

Byinshi byagiye bivugwa cyane ndetse biranandikwa ku gikorwa cyo guca imyeyo (Gukuna) igikorwa kizwi cyane cyane ku bakobwa bo mu Rwanda, ndetse kuri ubu amahanga nayo akaba yaratangiye kubivuga no kumenya uko bikorwa.

Gukuna ni iki, bikorwa bite?

Igikorwa cyo Gukuna ni bimwe mubyo abakobwa n’abagore benshi bakunda cyane bitewe n’akamaro bigira ku mibanire yabo n’uwo bashakanye, ibi bikaba bikorwa hifashishijwe gukurura bimwe mu bice by’igitsina cyabo bita imishino ikaba miremire cyane.

Mukamana ukora iki gikorwa ni muntu ki?

Uyu mugore utunzwe n’akazi ko gukuna abagore yitwa Mukamana Dative akaba azwi ku izina rya Masenge ni umubyeyi w’imyaka 40 akaba afite abana bane n’umugabo.

Mukamana Dative uzwi ku izina rya Masenge atunzwe n'igikorwa cyo gukuna
Mukamana Dative uzwi ku izina rya Masenge atunzwe n’igikorwa cyo gukuna



Ese inyungu akuramo n’izihe?

Mukamana arahamya ko kuva yatangira gukora akazi ko Gukuna amaze kuvanamo inzu, abona amafaranga yo kurihira amashuri abana be, afite amatungo anyuranye, ndetse n’isambu.

Ese abakobwa bacibwa imyeyo bagomba kuba bafite imyaka ingahe?

Mukamana avuga ko ubusanzwe abakobwa bageze mu kigero cy’imyaka 12 bagakwiye Gukunwa (Guca imyeyo) gusa ngo nuwarengeje imyaka akaba yenda gushaka atarakunwa, Mukamana afite uko yamufasha.

Ese akamaro ko Gukuna ni akahe?

Mukamana yasobanuye byinshi ku mumaro wo gukunwa, akaba agira ati “Iyo umugore yaciye imyeyo biramufasha mu gihe cyo gutera akabariro kuko bituma arushaho kuryohereza cyane uwo baryamanye, si ibyo gusa kandi kuko iyo umukobwa yaciwe Imyeyo bimufasha kugira amavangingo menshi mu mubiri we (Bivuze ko abagore baciye imyeyo bigoye kuba Babura amavangingo).



Ese abaturanyi be bamubona bate?

Mukamana aremeza ko abaturanyi be ntakibazo bamubonaho ndetse ngo bamwisanzuraho cyane.

Mukamana afite undi mwihariko ku bagabo

Uyu mugore ngo uretse kuba yafasha abagore, ngo azwiho no gufasha abagabo barangiza kuba babasha gutera akabariro by’igihe kirekire.

Mukamana wamubona gute?

Dative cyangwa se Masenge ubusanzwe aba ku Gisozi mu Karere ka Gasabo ninaho akorera akazi ke kose.



Leave a Reply