APR FC ikomeze gutegura amakipe yombi, abakuru n’abato

0
572

Uyu munsi ikipe ya APR fc irakomeza imyitozo yo kwitegura ikipe ya Marine fc ibarizwa mu ntara y’iburengerazuba mu karere ka Rubavu, umukino uzakinwa ku munsi wa gatandatu tariki ya 14 Ukwakira 2017 i saa cyenda n’igice kuri stade Umuganda.



Mu gihe iyi kipe yitegura umukino bafite wa shampiyona bazakina na Marines fc kuri uyu wa gatandatu, barumuna babo nabo bafite umukino wa gishuti uyu munsi. Nyuma y’uko bamwe bagiriwe ikizere bakazamurwa mu ikipe nkuru ndetse hakanatoranywa abandi bakinnyi bakiri bato baje gusimbura abazamuwe, ndetse bakaba bamaze igihe baratangiye imyitozo.

APR football academy ishuri ryigisha umupira w’amaguru rya APR FC bakaba batangiye gukina imikino ya gishuti, aho uyu munsi bari bukine na Unity fc yo mu cyiciro cya kabiri. Uyu mukino ukaba utegerejwe nabakunzi b’umupira w’amaguru by’umwihariko abakunzi ba APR FC nkuko bamwe mu bafana babidutangarije bemeza ko uyu mukino ntakabuza bagomba kuza kujya kuwureba bagashyigikira abana bakina muri iri shuri ry’umupira w’amaguru, uyu mukino urabera ku kibuga cya ferwafa, uratangira i saha ya saa cyenda (15h00).

Kurundi ruhande, ni nako kandi bakuru babo nabo bakomeje kwitegura umukino wa shampiyona ugomba kubahuza na Marines fc kuri uyu wa gatandatu mu mukino uzabera mu karere ka Rubavu, bakaba bari bukore imyitozo uyu munsi saa kumi (16h00) kuri sitade ya Kicukiro, ejo kuwa gatanu ni bwo bazakora imyitozo ya nyuma itegura uwo mukino.



Leave a Reply