Ngoma: Abaturage biyemeje kubaka Ibiro by’Akagali bigezweho

0
527

Abaturage batuye mu Kagali ka Ngoma mu karere ka Karongi batangaje ko kubera inyubako ibiro by’akagali bikoreramo itajyanye nicyerekezo bagiye gukora uko bashoboye bakubaka inyubako ijyanye n’icyerekezo.



Umunyamakuru wacu wo mu Karere ka karongi yasuye Abaturage batuye mu Kagali ka Ngoma, Umurenge wa Gishyita, Akarere ka Karongi. Aganira n’Abaturage babanje kumwereka Akagali bakoreramo. Iyo witegereje ubona ari Akazu gato gafite icyumba na Salon ndetse hanze hari akandi kazu ka Toilette( Ubwiherero) bw’iyo nyubako .

Abaturage batangiye kwiyubakira ibiro by’akagali

Nyuma tuganira nabo baturage, batubwiye ko ubu ikibaraje ishinga ari ukuzamura Inyubako igezweho y’Akagali dore ko n’ubushobozi buhari. Uwo Muturage utashatse ko dutangaza izina rye, yatubwiye ko buretse ubugugu Akagali ka Ngoma gatuwe n’abaturage bafite amafaranga ahagije, yatubwiye kandi ko bafite abafatanyabikorwa bafite inyubako bakoreramo zigezweho. Yatubwiye ko Ikicaro cy’abadive kiba aho, Ibitaro bikomeye bya Mugonero, Centre de Sante ya Mugonero, University y’abadive ishami rya Mudende ndetse nibindi bigo. Bityo uwo Muturage avuga ko arukwirengagiza. Yatubwiye ko ubu bagomba kuzasoza umwaka bakorera mu Kagali kubatse neza kuburyo bugezweho bujyanye nicyerekezo u Rwanda rurimo.

Uko ibiro by’akagali ka Ngoma bimeze



Umunyamabanga Nshingwabikorwa w’Akagali ka Ngoma Munyaneza Osee  , yavuze ko bagiye kubaka akagali kagezweho kandi abwira abaturage ko Akagali kabo kagomba kutajya munsi ya miriyoni cumi n’umunani 18,000,000Frw Gusa asaba ubufatanye bw’abaturage ndetse nibindi bigo bitandukanye bihakorera.

Bityo twaganiriye n’umwe mubayobozi b’ibitaro bya Mugonero, yatubwiye ko babonye ibaruwa isaba inkunga y’inyubako y’akagali, ariko atubwira ko nk’ibitaro biteguye gutanga umusanzu ufatika kandi nabo bashyigikiye gukorera mu Kagali keza kandi gatunganye.

Zimwe mu nyubako zigaragara muri aka kagali ka Ngoma

Twegereye umwe mubakozi ba AUCA nawe yatubwiye ko biteguye gutera inkunga Inyubako y’Akagali gusa yatubwiye ko nubwo badafata ibyemezo kuko Auca ni ishami rya Mudende, ariko atubwira ko babifitiye ubushake.



Leave a Reply