Niteguye gupfira igitekerezo cyanjye kuko nziko gifite ishingiro-Bobi Wine

0
1440

Nyuma yaho aho Bobi Wine atuye hatewe ibisasu (Grenades) ariko Imana igakinga ukuboko ntihagire uwo bihitana ndetse nuwo bikomeretsa Bobi Wine muri iki gitondo akaba yatangaje ko yiteguye gupfira igitekerezo cye kuko aziko gifite ishingiro.



Bobi Wine yatangaje ko ari ibyingenzi gupfira igitekerezo ubona ko gifite icyo cyamarira abandi kuruta uko wabaho ufite igitekerezo ariko ugatinya kukigaragaza utinya gupfa akomeza avuga ko abizi neza ko inzira yiyemeje idafite umutekano ariko nanone atari kubikora kubwe cyangwa umuryango we ariko yizeye ko igitekerezo cye ari ukuri.

Bobi Wine kandi akaba yatangaje  ko abizi neza ko inzira arimo idafite umutekano gusa ko azagerageza uko ashoboye kose mu gushyigikira igitekerezo cye ndetse n’uburenganzira bw’abanyagihugu ndetse ko agerageza kuganira n’abantu batandukanye kubijyanye no guhindura itegeko nshinga akumva benshi bamushyigikiye ndetse anatangaza ko niyo yakwicwa abizi ko hazasigara abenshi bazaguma kurwana ku gitekerezo cye.



Bobi Wine kandi akaba yatangaje impamvu iri kumutera ibi byose byo guharanira ko itegeko nshinga ritahinduka ngo Museveni yongere atorwe akaba yatangaje ko adahanganye na Museveni ariko ko atakwemera ko ibintu bikorwa bidaciye mu mucyo ndetse ko hagomba kubaho uburenganzira bw’abenegihugu bityo akaba atazemera amakosa yose azagaragara ahubwo ko azahagurukira ku birwanya.

Bobi kuri uyu wa gatatu akaba yateguye igitaramo kiraza kubera Kampala ahitwa Design Hub aho yatumiye abahanzi batandukanye bo muri Afurika ndetse no hanze y’Afurika ariko akaba yatumiye abahanzi baririmba ibijyanye n’ubutabera.



Leave a Reply