Perezida Museveni ntashyigikiye abamara amajoro n’ amanywa basenga basakuza.

0
630

Mu masengesho yo gusengera igihugu Perezida wa Uganda Yoweli Kaguta Museveni yasabye abaturage ba Uganda kumara igihe kinini bakora aho kukimara basenga.

Perezida Museveni ntashyigikiye abamara amajoro n’ amanywa basenga basakuza.



Perezida Museveni yabibukije ko inshingano y’ ibanze buri muntu yahawe ari ukugora, no gukoresha ubwenge afite mu gushakira umuti ibibazo no gutegeka ibiremwa byose.

Ibi akaba yabivugiye mu masengesho yo gusengera igihugu yabaye ku nshuro yayo ya 18, amasengesho yateguwe n’ inteko ishinga Amategeko.

Mu ijambo yagejeje ku bari bitabiriye ayo masengesho n’abandi bose bamwumva, Perezida Yoweli Museveni akaba yavuze ko adashyigikiye abamara amajoro n’ amanywa basenga basakuza.

Yagize ati: “Nanga kumara amanywa n’ amajoro, usenga, usenga usakuza nk’ aho Imana yapfuye amatwi, nyamara wirengagije inshingano yibanze wahawe.”



Perezida Museveni yavuze kandi ko Afurika yamaze imyaka 500 itita ku nshingano y’ ibanze mwene muntu yahawe ariyo gutegeka ibindi biremwa.

Yavuze ko ngo muri iyo myaka ubuvumbuzi bwakorwaga n’ Abanyaburayi, Ubushinwa bukigana ibyo Abanyaburayi bavumbuye, Afurika yiturije ntacyo ikora.

Yifashije umurongo uboneka muri Bibiliya wa Matayo 7, 15, Perezida Museveni yasabye abaturage kwitondera ubuhanuzi. Yagize ati: “Mwirinde abahanuzi b’ ibinyoma baza aho muri basa n’ intama ariko, imbere ari amasega aryana”

Perezida Museveni yavuze ko yigeze gutumirwa mu masengesho yo gusengera igihugu I Washington ngo niho igitekerezo cyo gutangiza aya masengesho cyaturutse.



Leave a Reply