Ubuyobozi bukuru bwa Polisi y’u Rwanda bwahuye na Komisiyo ya Sena mu by’umutekano

0
901

Abagize  komisiyo ya Sena ishinzwe ububanyi n’amahanga, ubufatanye n’umutekano basuye Polisi y’u Rwanda aho bakiriwe n’umuyobozi mukuru wayo, IGP Emmanuel K. Gasana ku cyicaro gikuru ku Kacyiru.

Ubuyobozi bukuru bwa Polisi y’u Rwanda bwahuye na Komisiyo ya Sena mu by’umutekano



Bayobowe na Michael Rugema, aba basenateri bagiranye ibiganiro mpaka n’ubuyobozi bwa Polisi y’u Rwanda, bikaba byibanze ku ishyirwa mu bikorwa ry’amahame ya Leta mu kurwanya jenoside ndetse n’ibifitanye isano n’ingengabitekerezo yayo.

Ubuyobozi bukuru bwa Polisi y’u Rwanda bwahuye na Komisiyo ya Sena mu by’umutekano
IGP Gasana yavuze ko jenoside ari ikintu kibi cyane Polisi yitaho mu kurwanya.

Yongeyeho ko Polisi y’u Rwanda ishyira imbere ibyo kongera ubumenyi nk’igishobora kugeza Polisi y’u Rwanda ku bunyamwuga, bikaba byaranafashije kurwanya no gukumira jenoside n’ibyaha biyishamikiyeho.

Umuyobozi wa Polisi y’u Rwanda yavuze ko kurwanya bi byaha byibasira inyoko muntu ari igikorwa gihurirwaho, gisaba ubushake buhoraho kubo bireba bose barimo n’abaturage kugira ngo harwanywe  jenoside byimbitse ndetse n’ibyaha byose bishobora kuyiha urwaho.



Nk’uko imibare itangazwa na Polisi ibitangaza, uko imyaka ihita ibyaha bifitanye isano na Jenoside bigenda bigabanuka ku buryo bugaragara, ariko amagambo y’urwango avugwa hifashishijwe ikoranabuhanga yo aracyagaragara, cyane cyane mu gihe cyo kwibuka.

Senateri Rugema yavuze ko uruzinduko rwabo rwari rugamije kuganira na Polisi bakaganira ku byaha bifitanye isano na Jenoside no gushakira hamwe ingamba zo gukumira no kurwanya bimwe muri byo bikigaragara.

Senateri Rugema yagize ati: ”Polisi y’u Rwanda ifite uruhare runini mu kurwanya Jenoside, niyo mpamvu twaje hano ngo turebere hamwe ingamba twafata ngo turwanye iki cyaha kibasira inyoko muntu, ngo tunarebe uko twarandura imizi y’ingengabitekerezo yacyo.”

Rugema yakomeje avuga ati: ”Polisi iri mu nzego zifite uruhare runini mu kurwanya Jenoside n’ingengabitekerezo yayo ndetse n’ibindi byaha, ibi ni ibyo kwishimira kandi tunejejwe no gukorana nayo mu gukumira no kurwanya n’ibindi byaha kugirango igihugu cyacu gikomeze kugira umutekano n’amahoro.”

Yavuze kandi ati: ”Nk’igihugu cyahuye n’akaga ka Jenoside mu mateka yacyo, tuzakomeza ubu bufatanye.”



Leave a Reply