Uganda: Ari mu bitaro nyuma yo kumira inoti y’ibihumbi 50 by’ amashilingi

0
337

Ubwambere mu gihugu cya Uganda umugabo witwa Sengigwa Sendodie wari umaze ukwezi afungiye muri gereza ya Gulu kuri ubu  arwariye mu bitaro by’aho i Gulu nyuma yo kumira inoti y’ ibihumbi 50 by’ amashilingi atinya ko ayafatanwa agahanwa.

Ari mu bitaro nyuma yo kumira inoti y'ibihumbi 50 by’ amashilingi



Nyuma yo kumira iyi noti, Sendodie yumvise atangiye kumererwa nabi abwira umucungagereza ko yamize amashilingi ajyanwa mu bitaro amerewe nabi gusa kuri ubu yatangiye koroherwa.

Umuganga ku bitaro bya Gulu utashatse ko amazina ye atangazwa kuko atari umuvugizi w’ ibi bitaro yavuze ko abaganga barimo gushaka uburyo Sendodie yagarura iyi noti batiriwe bamubaga.

Allan Okello, umuvugizi w’ urwego rushinzwe imfungwa n’ abagororwa mu ntara y’amagepfo yatangaje ko icyatumye iyi mfungwa imira iyi noti ari uko gutunga amafaranga muri gereza bibujijwe.

Ikinyamakuru Dail monitordukesha iyi nkuru kivuga ko impamvu gutunga amafaranga muri gereza bitemewe ari uko umugororwa cyangwa imfungwa bashobora kuyifashisha mu guha ruswa umucunga gereza bigatuma bashobora gutoroka gereza.



Leave a Reply