Kenya: Imirwano irarimbanyije mbere y’irahira rya Perezida Uhuru Kenyatta

1
1312

Muri Kenya imirwano hagati ya Polisi n’urubyiruko ni yose mu gihe bari kwitegura irahira rya perezida Uhuru Kenyatta watsindiye kuyobora iki gihugu nyuma y’amatora yabaye inshuro ebyiri zose bitewe no kutumvikana kubyayavuyemo ubwo yabaga ku churo ya mbere, irahira riteganyijwe uyu munsi taliki 28 ugushyingo 2017.

Uruvunge rw'abantu hanze ya stade ya Karasani aho Perezida Uhuru Kenyatta araza kurahirira uyu munsi



Iyi mirwano hagati y’urubyiruko mu mpanze zombi, haba abadashyigikiye ubutegetsi bakoranye bagerageza kwibuka abagera kuri 50 bitabye Imana muri iyi minsi ishize muri Kenya havugwa umwuka mubi, ndetse n’ababushyigikiye bari kurwanira kwinjira muri stade aho irahira rirabera uyu munsi, ibi bikaba byatumye igipolisi gikoresha ibyuka biryana (tear gas) ku bigagaragambya.

Ni mu gihe abanya politike ndetse n’ibindi bikomerezwa bari kwitabira uyu muhango w’irahira rya Uhuru Kenyatta, umuhango uri kubera i Nairobi kuri Stade ya Kasarani.

Janet Wambua, umwe mu batishimiye kuba babujijwe kwinjira muri Stade yaganirije  umunyamakuru wa AFP agira ati: “Ndashaka gusa kureba Perezida Uhuru Kenyatta kuko naramutoye, kubera iki turi gukubitwa nka NASA ( abadashyigikiye Perezida Kenyatta)?”

Joseph Irungu wo muri Komite yo muri Minisiteri y’Ubutegetsi bw’igigugu ishinzwe gutegura ibi birori avuga ko hari imyanya igera kuri 40.000 ku batashoboye kwinjira muri stade, kuba bashobora kurebera ibi birori hanze ya stade ku ma televiziyo manini, ariko ayo ma televiziyo nago yigeze amanikwa, bityo bikaba byarakaje benshi muri urwo ruvunge rw’abantu bari baje kwihera ijisho.



Ku rundi ruhande, abazunguzayi bashishikajwe no kugurisha amadarapo ku bashaka kujya kureba irahira rya Perezida Uhuru Kenyatta.

Abazunguzayi bagurisha amadarapo



Leave a Reply