Uko abanyamakuru bakiriye imvugo ya Min. Uwizeyimana Evode ibagereranya n’imihirimbiri

0
942

Kuwa 28 Ugushyingo 2017, ubwo yari mu Inteko Ishinga Amategeko muri gahunda ya Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu yaganirwagaho n’abagize inteko, Min.Uwizeyimana Evode yumvikanye yita bamwe mu banyamakuru bo mu Rwanda ‘Imihirimbiri’.

Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri



Mu magambo Me Uwizeyimana yakoresheje hari aho yageze avuga ko hari ibinyamakuru byo mu Rwanda bitazwi bipfa kwandika ibyo bibonye, ngo aho n’ababikoraho badasobanutse, avuga ko ngo muri abo hari abo ureba ugasanga ari abantu b’imihirimbiri.

Me Evode kandi yumvikanye avuga ko hari ibibazo bikomeye mu Rwanda mu gushinga ibinyamakuru nta mikoro bifite ngo kuko ahandi umuntu ajya kugishinga afite ingengo y’imari ku buryo usebeje umuntu wabona indishyi utanga, ‘atari nk’ibi byacu.’

Aha Me Evode yahise akoresha imvugo yo kugereranya kurega abanyamakuru badafite ubwishyu no kurumwa n’imbwa itagira nyirayo igahita yirukira mu gihuru.

Me Evode yagize ati “Ese umuntu agusebeje cyangwa akakwandagaza, ukajya kumurega mu manza mbonezamubano ati mpa avoka, ni ukuvuga ngo kwa kubazwa inshingano wenda ntikukikuriho kwabaye ukw’ikinyamakuru ukorera, kuko ni ikinyamakuru kijya kuregwa. Ese kwa kubazwa ibyo ukora biba bigihari? Ese noneho ngiye kukurega, ndagutsinze, ko nzi ko ukennye urampa iki? Byaba se nko kuribwa n’imbwa itagira nyirayo, ikirukira mu gihuru wowe ukajya kwa muganga?”

Uku kwibasira itangazamakuru ryo mu Rwanda kwa Minisitiri Evode byatewe n’uko ngo hari ibinyamakuru biherutse kwandika bimwe mu byavugiwe mu Inteko Ishinga Amategeko yo ku itariki ya 27 Ugushyingo 2017, ariko ngo ntibyashimisha abagize Inteko kuko bo bumva atari ngombwa gutangaza ibyahavugiwe.

Nyuma y’ibi rero abantu batandukanye barimo n’abanyamakuru bagaragaje akababaro gakomeye batewe n’iri jambo ‘Imihirimbiri’ ryiswe abanyamakuru, aho bifashishije imbuga nkoranyambaga  bikoma uyu munyamategeko bavuga ko umwuga w’itangazamakuru bawufata nk’uwiyubashye bityo ko kubita imihirimbiri ari ukubasuzugura no kubatesha agaciro.



Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri

Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri

Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri

Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri

Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri

 Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri

Uko abanyamakuru bakiriye imvugo ya Min.Uwizeyimana Evode ibagereranya n'imihirimbiri


Leave a Reply